ઉત્તર પ્રદેશ STF એ એન્કાઉન્ટરમાં લોરેન્સ ગેંગના શૂટરને ઠાર માર્યો હતો. આ એન્કાઉન્ટર બુધવારે સવારે મુંડાલી વિસ્તારમાં થયું હતું જ્યાં એસટીએફની ટીમ અને મેરઠ પોલીસે તેને ઘેરી લીધો હતો. જ્યારે પોલીસે તેને આત્મસમર્પણ કરવાનું કહ્યું તો તેણે ફાયરિંગ શરૂ કરી દીધું. જવાબમાં બંને તરફથી અનેક રાઉન્ડ ફાયરિંગ કરવામાં આવ્યું હતું. જેમાં શૂટરને ગોળી વાગી હતી.
શૂટર પર 1 લાખ રૂપિયાનું ઈનામ હતું
મળતી માહિતી મુજબ, હરિયાણાના ઝજ્જર જિલ્લાના આસૌંડા સિવાનનો રહેવાસી જીતેન્દ્ર લોરેન્સ ગેંગમાં શૂટર હતો. તેની સામે ગાઝિયાબાદમાં હત્યાનો કેસ નોંધવામાં આવ્યો હતો. જેમાં જીતેન્દ્ર ફરાર થઈ ગયો હતો. પોલીસે તેના પર 1 લાખ રૂપિયાનું ઈનામ પણ જાહેર કર્યું હતું.
કાર્બાઈન અને 32 બોરની પિસ્તોલ વડે ફાયરિંગ કર્યું
એન્કાઉન્ટર દરમિયાન શૂટર જિતેન્દ્રએ કાર્બાઇન અને 32 બોરની પિસ્તોલથી પોલીસ પર ફાયરિંગ કર્યું હતું. જેમાં STF ટીમના ઈન્ચાર્જ કેશવ શાદિલ્ય, મુંડાલી પોલીસ સ્ટેશન ઈન્ચાર્જ દિવ્યા પ્રતાપ સિંહ, હેડ કોન્સ્ટેબલ રાહુલ અને વિવેકને ગોળી વાગી હતી.
જેલમાં લોરેન્સ ગેંગ સાથે સંપર્કમાં આવ્યો
પોલીસના જણાવ્યા અનુસાર હરિયાણા જેલમાં રોકાણ દરમિયાન તેની દોસ્તી લોરેન્સ બિશ્નોઈ ગેંગ સાથે થઈ ગઈ હતી. આ પછી લોરેન્સ ગેંગ માટે કામ કરવા લાગ્યો. તે લોરેન્સ ગેંગ માટે ગુંડાગીરી અને ખંડણીનું કામ પણ કરતો હતો.
પશ્ચિમ યુપીને ગઢ બનાવ્યો
પોલીસના જણાવ્યા અનુસાર જીતેન્દ્રએ ગાઝિયાબાદ-નોઈડાના ઘણા બિલ્ડરોને પૈસા પડાવવાની ધમકી આપી હતી. મંગળવારે જિતેન્દ્ર કોઈ ગુનો કરવા માટે મેરઠ આવ્યો હતો. એસટીએફને આની જાણ હતી. સતત શોધખોળ બાદ ગુનેગાર જીતેન્દ્ર મંગળવારે રાત્રે જ મુંડાલી વિસ્તારમાં ઘેરાઈ ગયો હતો.
