PNB scam: PNB કૌભાંડમાં મોટી કાર્યવાહી, મેહુલ ચોકસીની 2,565 કરોડની પ્રોપર્ટી વેચાશે, પીડિતોને મળશે પૈસા
PNB scam મુંબઈની વિશેષ PMLA કોર્ટે મંગળવારે પંજાબ નેશનલ બેંક (PNB) કૌભાંડ કેસમાં ભાગેડુ ઉદ્યોગપતિ મેહુલ ચોકસીની રૂ. 2,565 કરોડથી વધુની સંપત્તિના વેચાણની મંજૂરી આપી હતી. મિલકત વેચીને કૌભાંડથી પ્રભાવિત લોકોને પૈસા પરત કરવામાં આવશે. ઇડી આ માટે ઘણા સમયથી પ્રયાસ કરી રહી હતી. ઈડીએ મની લોન્ડરિંગની તપાસ દરમિયાન ચોક્સીની મિલકતો જપ્ત કરી હતી.
PNB કૌભાંડમાં મોટી કાર્યવાહી
PNB scam કોર્ટે આ નિર્ણય અસરગ્રસ્ત બેંકો (PNB, ICICI) અને EDની અરજી પર આપ્યો છે. કોર્ટે કહ્યું કે પ્રોપર્ટીની હરાજીમાંથી મળેલી રકમ PNB અને ICICI બેંકમાં FDના રૂપમાં જમા કરાવવી જોઈએ. ચોક્સીએ ICICI પાસેથી મોટી લોન લીધી હતી, જે ચૂકવવામાં આવી ન હતી. ચોક્સીની ગીતાંજલિ જેમ્સ લિમિટેડ સાથે જોડાયેલી ઘણી પ્રોપર્ટી વેચીને 125 કરોડ રૂપિયા લોકોને પરત કરવામાં આવ્યા છે.
આ મિલકતોમાં મુંબઈ ફ્લેટ, બે ફેક્ટરીઓ અને વેરહાઉસનો સમાવેશ થાય છે. 2018માં પ્રકાશમાં આવેલા PNB કૌભાંડમાં ચોક્સી અને તેનો ભત્રીજો નીરવ મોદી મુખ્ય આરોપી છે. ફ્યુજીટિવ ઈકોનોમિક ઓફેન્ડર્સ એક્ટ મુજબ, કોઈ પણ વ્યક્તિ કે જેની સામે ભારતની કોર્ટ દ્વારા લિસ્ટેડ ગુના માટે વોરંટ જારી કરવામાં આવ્યું હોય તે ટ્રાયલ ટાળવા માટે દેશ છોડી ગયો હોય અથવા વિદેશમાં હોય તો તે ટ્રાયલનો સામનો કરવા માટે દેશમાં પરત ફરવાનો ઈન્કાર કરે છે , તેને ભાગેડુ આર્થિક ગુનેગાર જાહેર કરી શકાય છે.
કાકા-ભત્રીજાના પ્રત્યાર્પણ માટેના પ્રયાસો
ચોક્સી અને તેના ભત્રીજા નીરવ મોદીને PNBના કેટલાક કર્મચારીઓ સાથે મળીને રૂ. 13,400 કરોડની છેતરપિંડી કરવાના આરોપમાં ED અને CBI દ્વારા વોન્ટેડ જાહેર કરવામાં આવ્યા છે. બંનેના પ્રત્યાર્પણ માટે પ્રયાસો ચાલુ છે. નીરવ મોદીને ભાગેડુ આર્થિક અપરાધી જાહેર કરવામાં આવ્યો છે. તે 2019થી લંડનની જેલમાં છે. મેહુલ ચોક્સી એન્ટીગુઆ-બાર્બુડામાં રહે છે. ભારતની આ દેશ સાથે પ્રત્યાર્પણ સંધિ નથી.
