Mumtaz Patel’જય હિંદ’ યાત્રા દ્વારા દેશભક્તિનો સંદેશ: પાકિસ્તાન પર કોંગ્રેસના નેતાઓનો પ્રહાર
Mumtaz Patel પહલગામ હુમલા બાદ સમગ્ર દેશમાં રોષની લાગણી વ્યાપી છે અને કોંગ્રેસ પક્ષે દિલ્હીમાં ‘જય હિંદ યાત્રા’ યોજી દેશભક્તિ પ્રગટાવી છે. આ યાત્રા દરમિયાન ગુજરાત કોંગ્રેસના નેતા મુમતાઝ પટેલ અને પૂર્વ નાયબ મુખ્યમંત્રી સચિન પાયલટે પાકિસ્તાન અને આતંકવાદ સામે ઉગ્ર નિવેદન આપ્યા હતા.
મુમતાઝ પટેલે જણાવ્યું કે પાકિસ્તાન ભારત સામે વારંવાર ષડયંત્ર કરે છે અને હાલમાં જે રીતે નિઃશસ્ત્ર નાગરિકોની હત્યા કરવામાં આવી છે, તે અષોભનીય છે. તેમણે કહ્યું કે, “આ યાત્રા દ્વારા અમે દેશને એકતાનો સંદેશ આપીએ છીએ. કોંગ્રેસ પાર્ટી બતાવવા માંગે છે કે આપણે સરકાર અને સેના સાથે ઉભા છીએ. જે સંજોગો સર્જાયા છે, તેમાંથી દેશને સુરક્ષિત રાખવું એ સૌની જવાબદારી છે.”
તેમણે કહ્યું કે, “અમે સરકાર સામે નથી, પરંતુ દેશના વિરોધી તત્વો સામે એકસાથે છીએ. આપણી સેના જેમ બહાદુરીથી લડી રહી છે, તેને આપણો સંપૂર્ણ ટેકો હોવો જોઈએ.”
#WATCH | Delhi | On 'Jai Hind Yatra' in all Pradesh Congress Committee (PCC) units today, Congress leader Mumtaz Patel says, "We want to give the message that the nation is united and we are with the government and the armed forces…" pic.twitter.com/fp7hGIe9qA
— ANI (@ANI) May 9, 2025
સચિન પાયલટે પણ આતંકવાદ અને પાકિસ્તાન સામે ગૂંજતી ભાષામાં જણાવ્યું કે, હવે સમય આવી ગયો છે જ્યારે આતંકવાદને જડમૂળથી ઉખાડી નાખવો પડશે. “પહલગામનો હુમલો માત્ર લોકો પર નહીં, પરંતુ ભારતની આત્મા પર હુમલો હતો. દેશના દરેક નાગરિકે એકજ અવાજે આ હિંસાને નકારવો જોઈએ,” એમ તેમણે જણાવ્યું.
પાયલટે આગળ કહ્યું કે સેના આજ પણ સરહદ પર બહાદુરીથી લડી રહી છે અને દેશ માટે જે રક્ષણ આપી રહી છે એના માટે આપણે સન્માન વ્યક્ત કરવો જોઈએ. તેમણે સૈનિકોના પરિવારો માટે પણ કૃતજ્ઞતા વ્યક્ત કરી અને કહ્યું કે તેમના ત્યાગને ભુલવામાં ન આવે.
કુલ મળીને, ‘જય હિંદ’ યાત્રા દેશના સહભાગીદારીના ભાવને વ્યક્ત કરે છે અને રાજકીય ભિન્નતાઓને પાર કરી દેશપ્રેમના મંચ પર બધાને એક કરે છે.
