મુસાફરી કરતા સમયે જો રેલ ટિકિટ ન મળે તો આ કંપની રેલ ટિકિટ ના ખર્ચામાં તમને પ્લેનમાં સફર કરાવશે

આપણે બધા જ મુસાફરી કરતા સમયે સૌથી પહેલા ટિકિટ કરાવીએ છીએ. ઘણી વખત જોવામાં આવ્યું છે કે, રેલવે ટિકિટ કન્ફર્મ મળવાની આશામાં લોકો તત્કાલમાં ટિકિટ બુક કરાવી લેતા હોય છે, પરંતુ ઘણી વખત તત્કાલમાં ટિકિટ વેઈટિંગ અથવા RAC માં જ મળે છે. આ પરિસ્થિતીમાં રેલવે ટિકિટ કન્ફર્મ ન થવાને કારણે પેસેન્જરને ઘણી સમસ્યાઓનો સામનો કરવો પડી શકે છે. જો કે, હવે મુંબઈમાં એક સ્ટાર્ટઅપે મોટી ઓફરની શરૂઆત કરી છે. જે હેઠળ જો રેલવે ટિકિટ કન્ફર્મ નહી થઈ તો, આ સ્ટાર્ટઅપ કંપની તે જ કિંમતમાં ફ્લાઈટની ટિકિટ તમને ઉપલબ્ધ કરાવશે.આ સ્ટાર્ટઅપનું નામ Railofy છે અને આ કંપની મુંબઈમાં સ્થિત છે. Railofy એપ પર તમે રેલવેની ટિકિટ તત્કાલ બુક કરાવી શકો છો અને જો તમારી ટિકિટ વેઈટિંગ અથવા RACમાં છે તો, કંપની તમારા માટે ફ્લાઈટની ટિકિટ ઉપલબ્ધ કરાવશે. સરળ ભાષામાં કહીએ તો, તત્કાલમાં જો તમને ટિકિટ નહી મળે તો, તમને ફ્લાઈટની સફર કરવાની તક મળશે.જો કે, Railofy ની આ સુવિધા હજુ માત્ર મુંબઈથી AC ક્લાસ ટિકિટ પર જ ઉપલબ્ધ છે. સાથે જ આ માટે મુસાફરે 50-500 રૂપિયા આપીને રજીસ્ટ્રેશન કરવવું પડશે.કંપનીના જણાવ્યા પ્રમાણે, એક વખત રજિસ્ટ્રેશન કર્યા બાદ યાત્રીઓને કોઈપણ પરેશાની વગર તત્કાલ ટિકિટ કરવાની સુવિધા મળશે. આ સુવિધા આગામી સમયમાં સમગ્ર દેશમાં ઉપલબ્ધ કરવામા આવશે. આ ઓફરની જાણકારી માટે https://www.railofy.com/ લિંક પર ક્લિક કરો.