BSFની 35 ચોકી PAKનાં નિશાના પર, જવાબમાં પાકિસ્તાની 8 રેંજર્સ ઠાર

ઇન્ટરનેશનલ બૉર્ડર પર પાકિસ્તાન હવે રોકાઇ રોકાઇને ફાયરિંગ કરી રહ્યુ છે. ઘણા વિસ્તારોમાં ભારત પાકિસ્તાનને જવાબ આપી રહ્યુ છે. જવાબી કાર્યવાહી દરમિયાન ભારતીય જવાનોએ પાકિસ્તાની સેનાની અનેક ચોકીઓને ઉડાડી દીધી છે.
સીમા પર પાકિસ્તાની સેનાએ ભારતીય સીમા સુરક્ષા દળ (બીએસએફ) ની 35 ચોકીઓને નિશાન બનાવી છે. શુક્રવાર 19 જાન્યુઆરીની રાત પાકિસ્તાનથી આરનીઆ, સુચેતગઢ, આરએસ પુરા, પર્ગવાલ, કાનાચક અને અખનુરના ઘર ખલાસલ વિસ્તારમાં સીઝફાયરનું ઉલ્લંઘન થયું હતુ.
જમ્મુના કાનાચાક વિસ્તારમાં અનેક નાગરિકો ઘાયલ થવાના સમાચાર મળ્યા છે. ભારતીય સેનાએ સાંબા, આરએસપુરા અને હીરાનગર સેક્ટર પર ભારે નુકસાન પહોંચાડ્યું છે. સૂત્રોએ જણાવ્યું છે કે સીમા પાર શકરગઢ અને સિયલકોટ વિસ્તારમાં 8 પાકિસ્તાની નાગરિકો અને રેન્જર્સને ઠાર કરવામાં આવ્યા છે. ત્રણ દિવસમાં ત્રણ ભારતીય જવાનો પણ શહીદ થયા છે. પાકિસ્તાનની હરકતના કારણે ઇન્ટરનેશનલ બૉર્ડર પર 5 કિલોમીટરના વિસ્તારમાં તમામ શાળા-કોલેજ બંધ રાખવામાં આવી છે.