Pahalgam Terror Attack: ભારત-પાક સંબંધો તણાવમાં, પણ યુદ્ધ નહીં થાય: પાકિસ્તાની પૂર્વ NSAનો દાવો
Pahalgam Terror Attack પહલગામમાં થયેલા આતંકવાદી હુમલા બાદ ભારત અને પાકિસ્તાન વચ્ચેના સંબંધોમાં વધુ તણાવ ઊભો થયો છે. બંને દેશોના રાજકીય અને લશ્કરી મંતવ્યો કડવાશભર્યા બની ગયા છે. આ પરિસ્થિતિ વચ્ચે પાકિસ્તાનના ભૂતપૂર્વ રાષ્ટ્રીય સુરક્ષા સલાહકાર (NSA) મોઈદ યુસુફનું નિવેદન ચર્ચાનો વિષય બની રહ્યું છે. તેઓએ કહ્યું કે મોટું યુદ્ધ શક્ય નથી, પરંતુ પાકિસ્તાને તમામ પરિસ્થિતિઓ માટે તૈયાર રહેવું જોઈએ.
11 દિવસ પછી પણ સરહદ પર તણાવ યથાવત છે અને ભારતે આ હુમલામાં પાકિસ્તાન આધારિત આતંકવાદીઓને જવાબદાર ઠેરવ્યા છે. બીજી તરફ, પાકિસ્તાન પોતાની સંડોવણીનો ઇનકાર કરતું રહ્યું છે અને વારંવાર પરમાણુ યુદ્ધની ઘમકી પણ આપી છે, જેના કારણે વાતાવરણ વધુ જ સંવેદનશીલ બની ગયું છે.
મોઈદ યુસુફ, જેઓ ઈમરાન ખાન સરકારમાં NSA રહી ચૂક્યા છે, સુરક્ષા નીતિ અને દક્ષિણ એશિયાના વિષયમાં નિષ્ણાત માનવામાં આવે છે. તેમણે પોતાના એક ઈન્ટરવ્યુમાં કહ્યું કે ભારતમાં લશ્કરી કાર્યવાહી તાત્કાલિક ન હોય, પણ ભૂતકાળની જેમ અચાનક થઈ શકે છે. તેથી પાકિસ્તાને વ્યૂહરચનાત્મક અને તકેદારી પૂર્વક આગળ વધવું જોઈએ.
યુસુફે અમેરિકા અને ત્રીજા પક્ષો પર ભારતમાં અને પાકિસ્તાનમાં ચાલતી ઐતિહાસિક નિર્ભરતા પર પણ ચિંતાજનક ટિપ્પણી કરી. તેમણે કહ્યું કે આ વખતે અમેરિકા નિષ્ક્રિય છે અને ભારત માટે આ રાજદ્વારી સ્થિતિને વધુ પડકારજનક બનાવી રહી છે. તેમના અનુસાર યુદ્ધની શક્યતા ઓછું લાગે છે, પરંતુ જ્યારે બંને દેશો વચ્ચે વિશ્વાસનો અભાવ હોય ત્યારે નાની ભૂલ પણ મોટું સંઘર્ષ લાવી શકે છે.
આ નિવેદન પાકિસ્તાન માટે આંતરિક ચિંતન અને વૈશ્વિક સ્તરે સુરક્ષા સંવાદ માટે નવી દિશાઓ ખુલશે તેવી અપેક્ષા છે.
