આ સાઇબર ઍટૅક થયો છે પાકિસ્તાનની સરકારી વેબસાઇટો પર. પાકિસ્તાનની 200થી વધુ વેબસાઇટો એક ભારતીય ગ્રુપે હૅક કરી નાખી છે. આ વેબસાઇટો પર હૅક કર્યા બાદ હવે તેમને ખોલતા લખાયેલું આવે છે, ‘નહીં ભૂલીશું પુલવામા હુમલો.’
દાવો કરવામાં આવી રહ્યો છે કે એક ભારતીય હૅકર્સ ગ્રુપ Team I Crewએ પાકિસ્તાની વેબસાઇટો હૅક કરી છે. હવે આ પાકિસ્તાની વેસાઇટો હૅક કરી પુલવામા હુમલાના શહીદોને શ્રદ્ધાંજલિ આપવામાં આવી છે.
HACK કરાયેલી વેબસાઇટો ખોલતા ત્યાં પુલવામાં શહીદ થનાર લોકોને મીણબત્તી પ્રગટાવી શ્રદ્ધાંજલિ આપવામાં આવી છે. આ ઉપરાંત ભારતીય વાયુસેનાના લડાકૂ વિમાનો ત્રિરંગા ધૂમાડા સાથે ઉડાન ભરતા દેખાઈ રહ્યા છે. પેજ પર લખેલું છે, ‘અમે #14/02/2019 ક્યારેય નહીં ભૂલીએ. પુલવામા હુમલામાં શહીદ થયેલા CRPF જવાનોને અમારી શ્રદ્ધાંજલિ. તે વીર જવાનોને સમર્પિત કે જેમણે પુલવામા આતંકી હુમલામાં પોતાના જાનની બાજી લગાવી દીધી.’