યમુનાનગરની છોપર કોલોનીમાં આવેલી સ્વામી વિવેકાનંદ સ્કૂલમાં 12માં ધોરણમાં અભ્યાસ કરતા વિદ્યાર્થીએ મહિલા પ્રીન્સિપાલને ગોળી મારી દીધી. ઘાયલ લપાલનું અંદાજે બે કલાક પછી સારવાર દરમિયાન મોત થયું છે. આરોપી વિદ્યાર્થીની પોલીસે ધરપકડ કરી લીધી છે. છોકરાએ પોલીસને સામે એવી ફરિયાદ કરી છે કે, પ્રિન્સિપાલ ટોર્ચર કરતા હોવાથી તેણે તેમની હત્યા કરી દીધી છે.આ ઘટના શનિવાર સવારની 11.30 વાગ્યાની છે. ઘટના સમયે સ્કૂલમાં પેરેન્ટ્સ મીટિંગ ચાલતી હતી. જે દરમિયાન પ્રિન્સિપાલને ગોળી માર્યા પછી આરોપી વિદ્યાર્થીએ ભાગવાનો પ્રયત્ન કર્યો હતો પરંતુ લોકોએ તેને પકડી પાડ્યો હતો અને ખૂબ માર પણ માર્યો હતો. તેથી તેના ચહેરા અને શરીરના અન્ય ભાગ ઉપર ઈજા પણ થઈ હતી.
