PM મોદીનો અનોખો અંદાજ, ગાડીમાંથી ઉતરી કોફીની મજા માણી

વડાપ્રધાન નરેન્દ્ર મોદીનો શિમલા પ્રત્યેનો લગાવ તો જાણીતો છે.અાજે જયરામ ઠાકુરના શપથ વિધિ સમારોહની ઉજવણીમાં પહોંચ્યા હતા પી.એમ. મોદી. કાર્યક્રમથી પરવારી તેમનો ગાડીઓનો કાફલો ઇન્ડીયન કોફી હાઉસ તરફ વળ્યો હતો. ઇન્ડીયન કોફી હાઉસ શિમલાના પ્રખ્યાત માલ રોડ પર સ્થિત છે.
પી.એમ. મોદીનો ગાડીઓનો કાફલો અચાનક જ અહી અટક્યો હતો.પી.એમ.એ કૉફીની ચુસ્કી લેતા કૉફી હાઉસની અંદર હાજર લોકો તે સમયે હેરાન રહી ગયા હતા જ્યારે તેમણે તેમની વચ્ચે વડાપ્રધાન નરેન્દ્ર મોદીને જોયા હતા. કોફી હાઉસ મેનેજમેન્ટે તાત્કાલિક મોદીની મનપસંદ કોફી બનાવી હતી. ખાસ વાત એ છે કે તેઓ અહીં ઊભા રહી લોકો સાથે વાત કરતા કરતા કોફીનો અાસ્વાદ માણી રહ્યા હતા આ દરમિયાન એસપીજીને સુરક્ષા વ્યવસ્થા કરવા માટે મુશ્કેલીઓ આવી રહી હતી. મોદીએ મરૂણ રંગની ટોપી પહેરી હતી. લોકો વચ્ચે સામાન્ય નાગરીકની જેમ તેઓ સહજતાથી મળી રહ્યા હતા.
ઉલ્લેખનીય છે કે ભારતીય જનતા પાર્ટીના હિમાચલના પ્રભારી હતા ત્યારે નરેન્દ્ર મોદી અવારનવાર ઇન્ડીયન કોફી હાઉસમાં અાવીને તેમના મિત્રો અને કાર્યકર્તાઓ સાથે બેસતા હતા.નરેન્દ્ર મોદી શિમલા અાવે ત્યારે ચોક્કસ અા સ્થળની મુલાકાત લે છે.