PM Mudra Loan: વ્યવસાય માટે સરકાર આપે છે લોન, જાણો કેવી રીતે કરશો અરજી

PM Mudra Loan : 2015થી શરૂ થયેલી યોજના હેઠળ લાખો લોકોને લાભ મળ્યો, તમે પણ મેળવી શકો છો સહાય

PM Mudra Loan સરકારના પ્રયાસો હેઠળ નાનાં વ્યવસાયોને આર્થિક ટેકો આપવા માટે પ્રધાનમંત્રી મુદ્રા લોન યોજના (PM Mudra Loan Yojana) વર્ષ 2015માં શરૂ કરવામાં આવી હતી. આ યોજના હેઠળ નાના અને મધ્યમ ઉદ્યોગો માટે લોન ઉપલબ્ધ કરાવવામાં આવે છે, જેથી તેઓ પોતાનું વ્યવસાયિક સ્વપ્ન સાકાર કરી શકે.

કોને મળશે લાભ?

આ યોજના ખાસ કરીને બિન-કોર્પોરેટ અને બિન-કૃષિ ક્ષેત્રમાં કાર્યરત નાના ઉદ્યોગો માટે બનાવવામાં આવી છે. તેમાં ઉત્પાદન, સેવાઓ, વેપાર, અને સંલગ્ન કૃષિ પ્રવૃત્તિઓમાં રોકાયેલા યુવાનો અને ઉદ્યોગકારોને લોન આપવામાં આવે છે.

મુદ્રા લોનના ત્રણ કેટેગરી

1. શિશુ: ₹50,000 સુધીની લોન
2. કિશોર: ₹50,000 થી ₹5 લાખ સુધી
3. તરુણ: ₹5 લાખ થી ₹10 લાખ સુધી

અરજી કરવાની પ્રક્રિયા

ઓનલાઇન અને ઓફલાઇન બંને માધ્યમ ઉપલબ્ધ છે. અરજી કરવા માટે નીચેના પગલાં અનુસરો:

1. નજીકની કોઈ પણ જાહેર અથવા ખાનગી બેંકની શાખામાં જાઓ.
2. મેનેજર અથવા લોન અધિકારી પાસેથી યોજના વિષે માહિતી મેળવો.
3. લોન માટેનું ફોર્મ મેળવો અને તેને યોગ્ય રીતે ભરો.
4. જરૂરી દસ્તાવેજો જોડો જેમ કે આધાર કાર્ડ, પાન કાર્ડ, વ્યવસાય યોજના, ફોટા વગેરે.
5. સહી સાથે ફોર્મ શાખામાં સબમિટ કરો.
6. લોન ફાઈલ તૈયાર કર્યા બાદ બેંક તરફથી ચકાસણી થશે.
7. યોગ્યતાને આધારે લોન મંજૂર થઈ જાય છે અને સામાન્ય રીતે એક અઠવાડિયામાં રકમ જમા કરવામાં આવે છે.

મહત્વપૂર્ણ નોંધ

• લોન વ્યાજ દર અને ચુકવણી શરતો બેંક પ્રમાણે અલગ હોઈ શકે છે.
• લોન માત્ર વ્યવસાયિક હેતુ માટે જ લેવાઈ શકે છે, વ્યક્તિગત ઉપયોગ માટે નહીં.

જો તમે પોતાનું નાનું કે મધ્યમ સ્તરનું વ્યવસાય શરૂ કરવા માંગતા હો અને મૂડીની સમસ્યા છે, તો પીએમ મુદ્રા લોન યોજના તમારા માટે ઉત્તમ વિકલ્પ બની શકે છે.