હાલ મહારાષ્ટ્રમાં રાજ્કીય ઘમાસાણના પડઘા હજુ શમ્યા નથી ત્યારે રાજસ્થાનમાંથી કોંગ્રેસમાં આતરિક વિખવાદ ફરી એકવાર સામે આવ્યો છે મુખ્યમંત્રી અશોક ગેહલોત અને સચિન પાયલટ વચ્ચેની લડાઈ શરૂ થઇ છે આ મુદ્દે ભાજપે પણ ઝંપાલાવ્યું છે આવતા વર્ષે યોજાનારી વિધાનસભાની ચૂંટણી પહેલા જ રાજ્યના રાજકારણમાં મોટો બદલાવ આવશે.
શું છે વિવાદ પાછળનો કારણ .
રાજસ્થાનમાં રાજકીય ગરમાવો કેન્દ્રીય જલ શક્તિ મંત્રી ગજેન્દ્ર સિંહ શેખાવતના નિવેદનથી શરૂ થયો હતો. 19 જૂન 2022ના રોજ એક સભાને સંબોધતા કેન્દ્રીય મંત્રીએ સચિન પાયલટ 2020માં બળવાખોર હોવાનો ઉલ્લેખ કર્યો હતો. કહ્યું, ‘તે સમયે સચિન પાયલટે ભૂલ કરી હતી, રાજસ્થાનના ધારાસભ્યો મધ્યપ્રદેશની જેમ નિર્ણય લઈ શક્યા નહોતા.’શેખાવત આટલું બોલતાની સાથે જ કોંગ્રેસ પણ સક્રિય થઈ ગઈ. સચિન પાયલટે બીજા જ દિવસે ભાજપ પર વળતો પ્રહાર કર્યો. કહ્યું, ‘જનતા સમજી ગઈ છે, હવે તેઓ તમને પસંદ કરવાની ભૂલ નહીં કરે અને ખોટા વચનોમાં નહીં પડે.
પરંતુ તે બન્યું નહીં. પાયલોટના નિવેદનના પાંચ દિવસ બાદ 25 જૂને મુખ્યમંત્રી અશોક ગેહલોત પણ આ વિવાદમાં કૂદી પડ્યા હતા. એક સભાને સંબોધિત કરતી વખતે ગેહલોતે શેખાવત તેમજ સચિન પાયલટ પર નિશાન સાધ્યું હતું.
મુખ્યમંત્રી આશોક ગહેલોતો એ કહ્યું, ‘ગજેન્દ્ર શેખાવતે મહોર મારી છે કે તમે પોતે પણ સરકારને તોડવાના કાવતરામાં પાયલટ સાથે સામેલ હતા.’ ભલે ગેહલોત શેખાવતને જવાબ આપી રહ્યા હતા, પરંતુ તેમણે સચિન પાયલટને પણ પોતાના નિવેદનમાં આડકતરી લપેટી લીધા હતા. એટલો બધો વિવાદ વકર્યો. બીજા દિવસે એટલે કે 26 જૂને રાજસ્થાન સરકારના મંત્રી શાંતિ ધારીવાલે પણ ગેહલોતને હા પાડી. કહ્યું, ‘મુખ્યમંત્રીએ ખોટું શું કહ્યું? અમે પણ એવું માનીએ છીએ, અમે આ જાતે જોયું છે.’
આ વિવાદમાં ઉત્તર પ્રદેશના કોંગ્રેસના નેતા આચાર્ય પ્રમોદ કૃષ્ણમ પણ કૂદી પડ્યા છે. તેણે અશોક ગેહલોતના નિવેદનને રિટ્વીટ કર્યું, જેમાં તે કહી રહ્યા છે કે તે સ્પષ્ટ થઈ ગયું છે કે ગજેન્દ્ર શેખાવત સચિન પાયલટ સાથે મળીને સરકારને તોડવાની કોશિશ કરી રહ્યા હતા.
