Pratap Sarangi Injury Incident : સંસદમાં હંગામો: સાંસદના પડવાના આક્ષેપ બાદ રાહુલ ગાંધીએ વિવાદને નવી દિશા આપી
પ્રતાપ સારંગીએ આરોપ મૂક્યો કે “રાહુલ ગાંધીએ સાંસદને ધક્કો માર્યો, જે મારા પર પડ્યા અને મને ઈજા થઈ
રાહુલ ગાંધીએ પોતે ભાજપના સાંસદો પર આરોપ મૂકતા કહ્યું, “મને સંસદમાં પ્રવેશતા રોકી, ધમકાવ્યા અને ધક્કો મારવાનો પ્રયાસ કર્યો
નવી દિલ્હી, ગુરુવાર
Pratap Sarangi Injury Incident : ગુરુવારે સાંસદ પરિસરમાં શિયાળુ સત્ર દરમિયાન ભારતીય રાજકારણમાં અપરિણામક દ્રશ્યો સર્જાયા. આ ઘટનામાં ઓડિશાના બાલાસોરના સાંસદ પ્રતાપ સારંગી અને ફરુખાબાદના સાંસદ મુકેશ રાજપૂત ઘાયલ થયા હતા. બંને નેતાઓને ICUમાં દાખલ કરાયા છે. આ દરમિયાન રાહુલ ગાંધી પર આક્ષેપ થયા કે તેમણે બીજેપી સાંસદને ધક્કો માર્યો, જ્યારે રાહુલ ગાંધીએ આ દાવાને નકારીને ભાજપના સાંસદોને જવાબદાર ઠેરવ્યા.
ઘટનાની વિગત
સવારે સંસદમાં I.N.D.I.A. બ્લોક અને ભાજપના સાંસદો સામસામે વિરોધ નોંધાવી રહ્યા હતા. I.N.D.I.A. ગઠબંધન આંબેડકર અંગે ગૃહમંત્રી અમિત શાહના નિવેદનની નિંદા કરી રહ્યા હતા. જ્યારે બીજેપી સાંસદો કોંગ્રેસના નિવેદન સામે મોરચું સંભાળી રહ્યા હતા. થોડી જ ક્ષણોમાં બંને પક્ષ વચ્ચે તંગદિલી વધી અને ધક્કા-મુક્કીના દ્રશ્યો સર્જાયા.
પ્રતાપ સારંગીનું નિવેદન
ઘટનાના થોડા સમય બાદ પ્રતાપ સારંગી માથા પર રૂમાલથી લોહી લૂછતી હાલતમાં મીડિયા સમક્ષ હાજર થયા. તેમણે આરોપ મૂક્યો કે, “રાહુલ ગાંધીએ એક સાંસદને ધક્કો માર્યો, જે સીધા મારા પર પડ્યા. આ દરમિયાન મારું માથું ઈજાગ્રસ્ત થયું.”
રાહુલ ગાંધીએ આપ્યો જવાબ
જ્યારે મીડિયાએ રાહુલ ગાંધીને આ આક્ષેપો અંગે પ્રશ્નો પૂછ્યા, ત્યારે તેમણે કહ્યું, “મને સંસદમાં પ્રવેશવા રોકવામાં આવી રહયા હતા.ભાજપના સાંસદોએ મને ધમકાવ્યા અને ધક્કો માર્યો. સંસદમાં પ્રવેશ કરવો એ મારો અધિકાર છે.”
RML હોસ્પિટલમાં સારવાર
ઘાયલ પ્રતાપ સારંગી અને મુકેશ રાજપૂતને તાત્કાલિક રામ મનોહર લોહિયા હોસ્પિટલમાં દાખલ કરાયા છે. રિપોર્ટ અનુસાર, મુકેશ રાજપૂતની હાલત ગંભીર છે અને તેમને ICUમાં સારવાર આપવામાં આવી રહી છે. હૉસ્પિટલના સુપરિન્ટેન્ડન્ટ અજય શુક્લાએ જણાવ્યું કે બંને નેતાઓને માથાના ભાગે ગંભીર ઈજા થઈ છે.
શિવરાજ ચૌહાણની પ્રતિક્રિયા
મહારાષ્ટ્રના પૂર્વ મુખ્યમંત્રી શિવરાજ સિંહ ચૌહાણ ઘાયલ નેતાઓને મળવા માટે હોસ્પિટલ પહોંચ્યા હતા. તેમણે કહ્યું, “આ સંસદના ઈતિહાસનો કાળો દિવસ છે. કોંગ્રેસ અને રાહુલ ગાંધીની આ ગુંડાગીરીને ભારત ક્યારેય માફ કરશે નહીં.”
વિપક્ષની ફરિયાદ અને ભાજપની તૈયારી
કોણે શરુઆત કરી તે અંગે બંને પક્ષો દાવા-પ્રતિદાવા કરી રહ્યા છે. કિરણ રિજિજુએ કટાક્ષ કર્યો કે, “રાહુલ વિપક્ષના નેતા છે, તેમણે શું કરાટે અને કુસ્તી બતાવવાની જરૂર હતી?” ભાજપે આ સમગ્ર ઘટનાને ગંભીરતા થી લઈને રાહુલ વિરુદ્ધ FIR દાખલ કરવાના ઈરાદા જાહેર કર્યા છે. બીજી બાજુ, મલ્લિકાર્જુન ખડગેએ લોકસભા સ્પીકરને ફરિયાદ કરી છે અને ઘૂંટણમાં ઈજા થવાનો દાવો કર્યો છે.
રાહુલની મુલાકાત
ઘટનાના થોડીવાર પછી રાહુલ ગાંધી અને અન્ય કોંગ્રેસ સાંસદો ઘાયલ પ્રતાપ સારંગીને જોવા માટે હોસ્પિટલ પહોંચ્યા હતા. જો કે, તેમની વચ્ચે શું વાતચીત થઈ તે હજી સુધી સ્પષ્ટ થયું નથી.
આ વિવાદ એટલો ઊંડો ગયો છે કે રાજકીય ગતિવિધિઓ પર તેની મોટી અસર જોવા મળશે. આ ઘટનાને લઈ બંને પક્ષો વચ્ચે તીર અચૂક ચાલુ છે અને સંસદનું શિયાળુ સત્ર વિવાદોથી ઘેરાઈ ગયું છે.
