Manmohan Singh Death: “કોંગ્રેસ પ્રમુખ ખડગેએ PM મોદીને મનમોહન સિંહની સમાધિ માટે જગ્યા આપવા અપીલ કરી”
Manmohan Singh Death ભૂતપૂર્વ વડા પ્રધાન મનમોહન સિંહનું 92 વર્ષની વયે ગુરુવાર, 26 ડિસેમ્બર 2024ના રોજ દિલ્હીની AIIMS હોસ્પિટલમાં અવસાન થયું હતું. તેમના અંતિમ સંસ્કાર શનિવારે રાજઘાટ પાસે કરવામાં આવશે. દરમિયાન કોંગ્રેસ અધ્યક્ષ મલ્લિકાર્જુન ખડગેએ વડાપ્રધાન નરેન્દ્ર મોદીને મનમોહન સિંહની સમાધિ માટે કાયમી સ્થળની ઓળખ કરવા વિનંતી કરી છે. પીએમ મોદી અને ગૃહમંત્રી અમિત શાહ સાથે ફોન પર વાત કરીને અને પત્ર લખીને તેમણે અપીલ કરી છે કે મનમોહન સિંહના અંતિમ સંસ્કાર અને તેમના માટે સ્મારકનું નિર્માણ જ તેમને સાચી શ્રદ્ધાંજલિ હશે.
Manmohan Singh Death મનમોહન સિંહના પાર્થિવ દેહને શનિવારે સવારે કોંગ્રેસ કાર્યાલય ખાતે અંતિમ દર્શન માટે રાખવામાં આવશે. શુક્રવારે રાષ્ટ્રપતિ દ્રૌપદી મુર્મુ, વડાપ્રધાન નરેન્દ્ર મોદી, કોંગ્રેસ નેતા સોનિયા ગાંધી, મલ્લિકાર્જુન ખડગે, રાહુલ ગાંધી અને અન્ય અગ્રણી નેતાઓએ તેમના ઘરે જઈને શ્રદ્ધાંજલિ આપી હતી. મનમોહન સિંહના પત્ની ગુરશરણ કૌર અને પરિવારના અન્ય સભ્યોની હાજરીમાં તેમના પાર્થિવ દેહને તિરંગામાં લપેટીને ફૂલોથી શણગારેલા શબપેટીમાં મૂકવામાં આવ્યો હતો.
વડાપ્રધાન નરેન્દ્ર મોદીએ મનમોહન સિંહને શ્રદ્ધાંજલિ આપી
અને તેમના નિધનને દેશ માટે મોટી ખોટ ગણાવી. તેમણે કહ્યું કે મનમોહન સિંહને એક દયાળુ માનવી, વિદ્વાન અર્થશાસ્ત્રી અને આર્થિક સુધારા દ્વારા દેશને નવા યુગમાં લઈ જનાર નેતા તરીકે યાદ કરવામાં આવશે. પીએમ મોદીએ એમ પણ કહ્યું હતું કે તેમનું જીવન ભાવિ પેઢીઓને શીખવે છે કે કેવી રીતે પ્રતિકૂળ સંજોગોમાંથી ઉભા થઈને સફળતાના શિખરો સુધી પહોંચવું.
