નવી દિલ્હી: સોશિયલ મીડિયામાં હાલના દિવસોમાં એક વિડીયો ઝડપથી વાયરલ થઈ રહ્યો છે, જેમાં એક માણસ લોકડાઉન વચ્ચે હાઈવે પર કૂતરાનું માંસ ખાતો જોવા મળ્યો હતો. આ મામલો રાજસ્થાનના શાહપુરનો છે.
મળતી માહિતી મુજબ રાજસ્થાનથી દિલ્હી તરફ જતા કેટલાક લોકોએ રસ્તામાં કૂતરાનું માંસ ખાતા વ્યક્તિને જોયો હતો. તેણે કાર રોકી અને તે વ્યક્તિને પૂછ્યું કે તમારી પાસે જમવાનું નથી? તમે શું ખાઈ રહ્યા છો? તમે તેને ખાધા પછી મરી જશો. તેઓએ તેને ઠપકો પણ આપ્યો અને તેને રસ્તાની બાજુ રાહ જોવાનું કહ્યું. આ પછી, તે કારમાંથી નીચે આવ્યો અને તેની પાસે ગયો અને તેને ખોરાક તેમજ પાણી આપ્યું. કોઈપણનું કાળજું કંપાવી દે તેવો આ વિડીયો સોશિયલ મીડિયા પર વાયરલ થયો છે.
