Rajnath Singh રાજનાથ સિંહે આપ્યા ભારતીય સેનાને અભિનંદન
Rajnath Singh સંરક્ષણ મંત્રી રાજનાથ સિંહે “ઓપરેશન સિંદૂર”ને સફળતાપૂર્વક પાર પાડવા બદલ ભારતીય સેનાની હિંમત અને વ્યાવસાયિકતાની પ્રશંસા કરી છે. દિલ્હી ખાતે DRDO (ડિફેન્સ રિસર્ચ એન્ડ ડેવલપમેન્ટ ઓર્ગેનાઈઝેશન) દ્વારા આયોજિત રાષ્ટ્રીય ગુણવત્તા સંમેલનમાં તેઓ બોલી રહ્યા હતા.
રાજનાથ સિંહે કહ્યું કે “ઓપરેશન સિંદૂર જે ચોકસાઈથી હાથ ધરાયું તે અત્યંત પ્રશંસનીય છે. આ ઓપરેશનમાં ભારતીય સેનાએ 9 આતંકવાદી ઠેકાણાઓનો નાશ કર્યો અને મોટા પાયે આતંકવાદીઓને નિશાન બનાવી સમાપ્ત કર્યા.”
તેમણે ઉમેર્યું કે આ અભિયાન દરમિયાન કેવળ નિર્દોષ નાગરિકોને નુકસાન ન થાય તે માટે ખાસ કાળજી લેવામાં આવી હતી અને ઓપરેશનને ઓછામાં ઓછા કોલેટરલ ડેમેજ સાથે પાર પાડવામાં આવ્યું હતું. આ ભારતના સશસ્ત્ર દળોની વ્યાવસાયિક ક્ષમતા અને ઉચ્ચ ગુણવત્તાવાળા સાધનોના ઉપયોગને દર્શાવે છે.
રાજનાથ સિંહે DRDOની કામગીરીની પણ પ્રશંસા કરી હતી. તેમણે જણાવ્યું કે DRDO દ્વારા વિકસિત ટેક્નોલોજી અને સજ્જતાઓએ ભારતને આત્મનિર્ભર બનવામાં મદદ કરી છે અને આવા અભિયાનોની સફળતા માટે મજબૂત આધાર પૂરું પાડ્યો છે.
તેમણે સ્પષ્ટ કર્યું કે ભારત આતંકવાદ સામે ઝીરો ટોલરન્સની નીતિ રાખે છે અને જો જરૂર પડશે તો ભવિષ્યમાં પણ આવા પગલાં લેવામાં આવશે.
સંરક્ષણ મંત્રીએ પોતાના ઉદબોધનના અંતે સેનાના જવાનોને શુભેચ્છા આપી અને દેશના લોકો તરફથી તેમના પર શ્રદ્ધા વ્યક્ત કરી. “આપણે આપણા સેનાના યોદ્ધાઓ પર ગર્વ અનુભવીએ છીએ જેમણે દેશની રક્ષા માટે પોતાનું સર્વસ્વ સમર્પિત કર્યું છે,”
