RCB victory parade stampede: RCB વિજય ઉજવણીમાં ભાગદોડ: ૧૧નાં મોત પછી KSCAના બે અધિકારીઓએ નૈતિક જવાબદારી સ્વીકારી
RCB victory parade stampede RCB વિજય પરેડ દરમિયાન થયેલી દુઃખદ ઘટનાની અસર હવે કર્ણાટક રાજ્ય ક્રિકેટ એસોસિયેશન (KSCA) પર સ્પષ્ટપણે જોવા મળી રહી છે. બેંગલુરુના ચિન્નાસ્વામી સ્ટેડિયમની બહાર RCBની IPL જીતની ઉજવણી દરમિયાન થયેલી ભાગદોડમાં ૧૧ લોકોના મોત થયા હતા. આ ઘટનાને પગલે BCCI અને રાજ્ય સરકાર બંને ચિંતિત થયા છે.
આ ગંભીર ઘટનાને પગલે KSCAના સેક્રેટરી એ. શંકર અને ખજાનચી ઇ. એસ. જયરામે નૈતિક જવાબદારી સ્વીકારીને રાજીનામું આપ્યું છે. બંનેએ પોતાનાં રાજીનામા એસોસિયેશનના પ્રમુખને સોપી દીધા છે.
હવે તંત્ર આ મુદ્દે વધુ ગંભીર બન્યું છે. મુખ્યમંત્રી સિદ્ધારમૈયાએ ઘટનાઓ અંગે ગુસ્સો વ્યક્ત કરતાં કહ્યું હતું કે, આવી બેદરકારી સહન નહીં થાય. રાજય સરકારે ઘટનાની તપાસ માટે ખાસ સમિતિની રચના કરી છે, તેમજ ભવિષ્યમાં આવા કાર્યક્રમો માટે સ્પષ્ટ માર્ગદર્શિકા તૈયાર કરવા બાબતે સૂચનાઓ આપી છે.
જોકે RCB દ્વારા આયોજિત પરેડ ખાનગી ઇવેન્ટ હતી, તેમ છતાં આમસાર્વજનિક સ્થળે ફેન ગેદરિંગ હોવાથી આશંકાની સ્થિતિ ઉભી થઈ હતી. ઘણા પ્રશંસકો વધુ સંગ્રહ વિના પરેડમાં ઉમટી પડ્યા હતા, જેના કારણે ભીડ નિયંત્રણ ખોરવાયું અને ભાગદોડ જેવી ભયાનક ઘટના સર્જાઈ.
તંત્ર, BCCI અને IPL સંચાલકો હવે ભવિષ્યમાં ટાઇટલ ઉજવણી માટે નીતિગત માળખું ઊભું કરવાનો વિચાર કરી રહ્યા છે. આ ઘટના ભારતીય ક્રિકેટ ઈતિહાસમાં એક દુઃખદ પાનું તરીકે નોંધાઈ ગઈ છે, અને હવે તેની પુનાવૃત્તિ ટાળવા માટે પગલાં જરૂરી બન્યા છે.
