ઓઇલ એન્ડ નેચરલ ગેસ કોર્પોરેશન લિ.એ ટ્રેડ એન્ડ ટેક્નિશિયન એપ્રેન્ટિસ (trade and technician apprentice)હેઠળ 4182 પોસ્ટ્સ માટે અરજીઓ મંગાવી છે. વિદ્યાર્થીઓને મહારત્ન કંપનીમાં કારકિર્દી બનાવવાની આ સારી તક હોઈ શકે છે. આ અંતર્ગત એકાઉન્ટંટ, આસિસ્ટન્ટ, HR,કોમ્પ્યુટર ઓપરેટર, ફિટર, લેબોરેટરી આસિસ્ટન્ટ, મિકેનિક ડીઝલ, સેક્રેટેરિયલ આસિસ્ટન્ટ (ITI) વગેરે પજો માટે દેશનાં 21 વર્ક સ્ટેશનો પર કેન્ડિડેટની જરૂર છે. કેન્ડિડેટ ફક્ત એક જ વર્કસ્ટેશન માટે અપ્લાઈ કરી શકશે. નોકરી માટે ઓનલાઈન આવેદન (Online Application) કરવાની છેલ્લી તારીખ 17 ઓગષ્ટ 2020 છે. આ પોસ્ટ્સ માટે અરજી કરનારા ઉમેદવારોની લઘુત્તમ વય 18 વર્ષ અને મહત્તમ 24 વર્ષ છે. આરક્ષણ હેઠળ આવતા ઉમેદવારો માટે મહત્તમ વયમર્યાદામાં છૂટછાટની જોગવાઈ છે, જેમ કે એસસી અને એસટી ઉમેદવારો માટે 5વર્ષ, ઓબીસી ઉમેદવારો માટે 3 વર્ષ અને પીડબ્લ્યુબીડી ઉમેદવારો માટે ૧૦ વર્ષની જોગવાઈ છે. આમાં, કેટલાક પદો માટે, બેચલર ડિગ્રી (કોમર્સ, બી.એ., બીબીએ),તો કેટલાક માટે સંબંધિત વેપારમાં આઈટીઆઈ પાસ કરેલું હોવું જરૂરી છે. એન્જિનિયરિંગ સંબંધિત પોસ્ટ્સ માટે માન્યતા પ્રાપ્ત સંસ્થા અથવા ઈન્સ્ટીટ્યૂટ્સ માંથી એન્જિનિયરિંગમાં ડિપ્લોમા હોવું જરૂરી છે. અરજી કરતા પહેલા, એકવાર ઉમેદવારોની સૂચનાઓ તપાસો. અરજી કરતા પહેલા, ટ્રેડ એપ્રેન્ટિસ સાથે સંકળાયેલા ઉમેદવારોએ https://apprenticeshipindia.org સાઇટની મુલાકાત લઈને પોતાની નોંધણી કરાવવાની રહેશે, જ્યારે ટેક્નિશિયન એપ્રેન્ટિસ પોસ્ટ્સના ઉમેદવારોએ https://portal.mhrdnats.gov.in/boat/commonRedirect/registermenunew!registermenunew.action સાઇટની મુલાકાત લઈને નોંધણી કરાવવી જ જોઇએ. આ સમય દરમિયાન એક રજિસ્ટ્રેશન નંબર જનરેટ કરવામાં આવશે, જેને તમારે અરજી કરતી વખતે દાખલ કરવો પડશે. ઉમેદવારો ઓનલાઇન અરજી કરવા માટે http://www.ongcapprentices.ongc.co.in સાઇટની મુલાકાત લઈ શકે છે. ઉમેદવારોને ગુણ અને યોગ્યતાના આધારે ભરતી કરવામાં આવશે.
Satya Day News
Satya Media Group was founded on 25th January 2005 with a vision to be a pioneer in Gujarati Media Fraternity to cater to news which are original and authentic along with the fearless voice of Gujarati People. We are an unbiased and most acclaimed media house. Satya Day has been Leading Gujarati News Portal since 2005.