Xiaomiની સબ-બ્રાન્ડ Redmi ટૂંક સમયમાં ભારતમાં તેનો બજેટ સ્માર્ટફોન Redmi 10A લૉન્ચ કરશે. Redmi 10A એ એન્ટ્રી-લેવલ સ્માર્ટફોન છે અને તે 20 એપ્રિલે રજૂ કરવામાં આવશે. Redmi 10A ચીનમાં શેડો બ્લેક, સ્મોક બ્લુ અને મૂનલાઇટ સિલ્વર કલરમાં કરવામાં આવ્યો હતો.
કહેવામાં આવી રહ્યું છે કે આ ફોન Redmi 10નું એડવાન્સ વર્ઝન છે. કંપની Redmi 10A ને ‘દેશ કા સ્માર્ટફોન’ તરીકે પ્રમોટ કરી રહી છે. આ ફોન ઈ-કોમર્સ પ્લેટફોર્મ એમેઝોન પર લોન્ચ થઈ શકે છે. Redmi 10Aમાં ડ્યુઅલ રિયર Ai કેમેરા સેટઅપ આપવામાં આવ્યું છે. તેની સાથે LED ફ્લેશ લાઈટ આપવામાં આવી છે. તેનો મુખ્ય કેમેરા 13 મેગાપિક્સલનો હોઈ શકે છે. ફ્રન્ટમાં 5 મેગાપિક્સલનો સેલ્ફી કેમેરો હશે.
કિંમત શું હોઈ શકે છે
આ ફોન ત્રણ વેરિઅન્ટમાં આવી શકે છે. આ ફોન 4 જીબી રેમ અને 64 જીબી સ્ટોરેજ, 4 જીબી રેમ અને 128 જીબી સ્ટોરેજ અને 6 જીબી રેમ અને 128 જીબી સ્ટોરેજ વેરિએન્ટમાં ઓફર કરી શકાય છે. બેઝ વેરિઅન્ટની કિંમત લગભગ 8000 રૂપિયા અને ટોપ વેરિઅન્ટની કિંમત લગભગ 10,000 રૂપિયા હોઈ શકે છે. તેમાં આપેલા માઈક્રો SD કાર્ડની મદદથી તમે સ્ટોરેજને 512GB સુધી વધારી શકો છો.
Redmi 10A સ્માર્ટફોનમાં 6.53 ઇંચની HD પ્લસ ડિસ્પ્લે છે. તેનો આસ્પેક્ટ રેશિયો 20:9 છે અને તે 400 nits ની ટોચની બ્રાઇટનેસ આપે છે. ફોનના ડિસ્પ્લેમાં વોટરડ્રોપ-સ્ટાઇલ નોચ ડિઝાઇન છે. આ ફોન Octa-core MediaTek Helio G25 SoC દ્વારા સંચાલિત છે. પાવર બેકઅપ માટે, ફોનમાં 5,000mAh ક્ષમતાની બેટરી છે, જે સ્ટાન્ડર્ડ 10W ચાર્જિંગને સપોર્ટ કરે છે. આ ફોનમાં તમને 3.5mm હેડફોન જેક પણ આપવામાં આવી શકે છે.
