સોના અને ચાંદીના ભાવમાં ફરી એકવાર વધારો જોવા મળી રહ્યો છે. વૈશ્વિક બજારમાં ભારે વોલેટિલિટી હોવા છતાં ભારતીય વાયદા બજારમાં સોના-ચાંદીના ભાવમાં કોઈ મોટો ફેરફાર થયો નથી, આજે સોનાના ભાવમાં નજીવો વધારો જોવા મળ્યો હતો, જ્યારે ચાંદીના ભાવમાં આજે ઘટાડો નોંધાયો હતો.
આજે સવારે મલ્ટી કોમોડિટી એક્સચેન્જ (MCX) પર, 24 કેરેટ શુદ્ધતાના વાયદાના ભાવ રૂ. 2 વધીને રૂ. 50,781 પ્રતિ 10 ગ્રામ થયા હતા, જ્યારે એમસીએક્સ પર ચાંદીના વાયદા રૂ. 170 ઘટીને રૂ. 56,961 પ્રતિ કિલો થયા હતા. અગાઉ સોનું રૂ.50,709ના સ્તરે શરૂ થયું હતું, જ્યારે ચાંદી રૂ.57,069ના સ્તરે કારોબાર શરૂ કરી હતી.
ભારતીય બજારમાં જ્યાં સોનામાં ઉછાળો અને ચાંદીમાં મામૂલી વધઘટ જોવા મળી રહી છે ત્યારે વૈશ્વિક બજારમાં સ્થિતિ ઘણી અલગ જોવા મળી રહી છે. અહીં સોનામાં મોટો ઘટાડો છે, જ્યારે ચાંદીમાં ઉછાળો છે. યુએસ માર્કેટમાં સોનાનો હાજર ભાવ આજે 1,740.52 ડોલર પ્રતિ ઔંસ હતો, જે અગાઉના બંધ ભાવ કરતાં 1.38 ટકા ઓછો છે. એ જ રીતે, ચાંદીની હાજર કિંમત $19.19 પ્રતિ ઔંસ હતી, જે અગાઉના બંધ ભાવ કરતાં 0.03 ટકા વધુ છે.
સોનાના ભાવને લઈને નિષ્ણાતોના અભિપ્રાય પણ આવી રહ્યા છે. જાણકારોનું માનવું છે કે આગામી સમયમાં વૈશ્વિક બજારમાં સોનાના ભાવમાં વધુ ઉછાળો જોવા મળી શકે છે. અત્યારે ડૉલરની મજબૂતીને કારણે સોના પર દબાણ છે, પરંતુ જેમ જેમ ચલણ સ્થિર થશે તેમ તેમ સોનાની કિંમતમાં પણ ઘટાડો થશે. ભારત સરકારે સોના પરની આયાત જકાતમાં મોટો વધારો કર્યો છે, જેની અસર સ્પષ્ટ દેખાઈ રહી છે. આ સિવાય રશિયાએ G7 દેશોમાં સોનાની નિકાસ પર પણ પ્રતિબંધ લગાવી દીધો છે. આવી સ્થિતિમાં આગામી સમયમાં સોનાની કિંમતમાં ઘટાડો થવાની કોઈ સંભાવના નથી. નિષ્ણાતો માને છે કે રશિયામાંથી સોનાની આયાત પર પ્રતિબંધ સહિત વૈશ્વિક પરિબળ આગામી સમયમાં સોનાના ભાવ પર વધુ અસર કરશે.
