બહાદુરીને સલામ ! લશ્કરે -તૈયબાના બે આતંકીઓને જમ્મુકાશ્મીરના સ્થાનિકોએ પકડી પોલીસને સુપરત કર્યો

એક તરફ દેશમાં અમરનાથની યાત્રા ચાલી રહી છે અને બીજી તરફ આતંકીઓ સક્રિય જોવા મળી રહ્યા છે.આતંકી તમામ ગતિવિધિઓ સૈન્યા દ્રારા બાજ નજર રાખવામાં આવી રહી છે જમ્મુ-કાશ્મીરીમાંથી આતંકી ઝડપાવાનો સિલસિલો યથાવત જોવા મળી રહ્યા છે
જમ્મુ અને કાશ્મીરના રિયાસી જિલ્લામાં રવિવારે બે ભારે હથિયારોથી સજ્જ લશ્કર-એ-તૈયબા ના(LeT) આતંકવાદીઓને ગ્રામજનોએ પકડીને પોલીસને સુપરત કર્યા છે ધરપકડ કરાયેલા આતંકવાદીઓમાં રાજૌરી જિલ્લાના રહેવાસી લશ્કરના કમાન્ડર તાલિબ હુસૈન અને પુલવામા જિલ્લાના ફૈઝલ અહેમદ ડારનો સમાવેશ થાય છે. આ બંને તુકસણ ગામમાં ઝડપાયા હતા. ફૈઝલ ​​તાજેતરમાં થયેલા IED વિસ્ફોટોનો માસ્ટરમાઇન્ડ હતો.

આ અંગે અધિકારી વધુમાં માહિતી આપતા જણાવ્યુ હતુ કે તેમની પાસેથી બે AK – 47 રાઈફલ, સાત ગ્રેનેડ અને એક પિસ્તોલ મળી આવી છે. પોલીસ મહાનિર્દેશક દિલબાગ સિંહે ગ્રામજનોને તેમની બહાદુરી બદલ 2 લાખ રૂપિયાના રોકડ ઈનામની જાહેરાત કરી છે. જમ્મુ-કાશ્મીરના લેફ્ટનન્ટ ગવર્નર મનોજ સિન્હાએ પણ બહાદુર ગ્રામીણો માટે 5 લાખ રૂપિયાના ઈનામની જાહેરાત કરી છે.