કળીયુગઃ માતાને ઘરમાં બંધ કરી દિકરો ગયો ફરવા,ઘરમાં પહોંચતા જે દ્રશ્ય જોવા મળ્યું તેને જોઈ બધાની આંખ ભરાઈ આવી

ઉત્તરપ્રદેશના અલીગઢમાં કળીયુગના એક દિકરાએ પોતની 90 વર્ષની વૃદ્ધ માતાને ઘરમાં બંધ કરીને ચાલ્યો જવાનો કિસ્સો સામે આવ્યો છે. 10 દિવસ બાદ તેમની દિકરીને એક ખૌફનાક સ્વપ્ન આવ્યું, તો ડરેલી દિકરી ઘરે પહોંચી હતી. દિકરીને પાડોશીઓની મદદથી તાળું તોડી માંને ઘરની બહાર કાઢી હતી. માંની હાલત જોઈને ચોંકી ગયેલી દિકરીએ પોતાના ભાઈની વિરુદ્ધ પોલીસ ફરીયાદ કરી છે. આ ઘટનાનો વીડિયો પણ સોશીયલ મીડિયા પર વાયરલ થયો છે.માહિતી પ્રમાણે, અલીગઢના મોહલ્લા શેર ખાન નિવાસી 90 વર્ષની અસગરી પોતાના દિકરપા જલાલુદ્દિનની સાથે રહેતી હતી. જલાલુદ્દીન પોતાની વૃદ્ધ માતાને ઘરમાં બંધ કરીને પરિવાર સાથે મોજ-મસ્તી કરવા નીકળી ગયો હતો. જે દરમિયાન વૃદ્ધ માતા 10 દિવસ સુધી ભૂખી-તરસી પડી રહી હતી. અસગરીની પુત્રીને અચાનક ડરામણા સ્વપ્ન આવ્યું હતું, જેથી તેને ઘરની યાદ સતાવતા પુત્રી ઘરે પહોંચી હતી.દિકરી જ્યારે ઘરે પહોંચી તો, બહાર તાળુ લાગ્યું હતું. તેણીને પાડોશીઓ પાસેથી જાણવા મળ્યું કે, જલાલુદ્દીન પોતાની પત્ની અને દીકરીઓ સાથે 10 દિવસ પહેલા ક્યાંક ગયો છે, પરંતુ માંને જતા જોઈ નથી. જેથી દિકરીને માતાની ચિંતા થઈ અને તેણીએ પાડોશીઓની મદદથી ઘરના દરવાજા પર લાગેલ તાળાને તોડી દીધો હતો. તાળું તોળી ઘરમાં પહોંચતા જે દ્રશ્ય જોવા મળ્યું તેને જોઈ બધાની આંખ ભરાઈ આવી હતી અને દીકરી ચોંકીને રડવા લાગી હતી. ઘરમાં વૃદ્ધ મહિલા ભૂખ લાગી હોવાથી મરચાનો ડબ્બો ખોલી મરચા ખાઈ રહી હતી. ઘરના રૂમમાં બધુ જ અસ્ત-વ્યસ્ત હતું. આ જોઈને દીકરી રાડો પાડી રડવા લાગી હતી. પડોશીઓએ વૃદ્ધ મહિલાને ભોજન ખવડાવ્યું ત્યારબાદ થોડી સામાન્ય થઈ ગઈ. પુત્રીએ આ ઘટના અંગે પોલીસમાં ફરિયાદ કરી છે. પોલીસે પુત્રીની ફરિયાદના આધારે જલાલુદ્દીન, તેની પત્ની અતિકા અંજુમ અને તેની દીકરીઓ સાયમા અને સના જમાલ વિરુદ્ધ સંબંધિત કલમો લાગુ કરી ફરીયાદ દાખલ કરી છે. આ ઘટનાનો વીડિયો સોશીયલ મીડિયા પર ખૂબ જ વાયરલ થઈ ગયો છે. જેને જોઈ બધા જ વ્યક્તિઓ જલાલુદ્દીનની નિંદા કરી રહ્યા છે. આ મામલે અલીગઢના વરિષ્ઠ પોલીસ ઓફિસર આકાશ કુલહરીએ કહ્યું કે, વૃદ્ધ મહિલાની દિકરીની ફરીયાદ પર 4 લોકો વિરુદ્ધ કેસ દાખલ કરવામાં આવ્યો છે. હવે આરોપીઓ વિરુદ્ધ કડક કાર્યવાહી કરવામાં આવશે.