મિડ કેપ શેર્સ પર દબાણ વધ્યું છે. મંગળવારે મિડ-કેપ અને સ્મોલ-કેપ સૂચકાંકોમાં 3-4%નો ભારે ઘટાડો જોવા મળ્યો હતો.
બુધવારે સ્થાનિક શેરબજાર સપાટ ખુલ્યું હતું. બોમ્બે સ્ટોક એક્સચેન્જ (BSE) બેન્ચમાર્ક સેન્સેક્સ અને નેશનલ સ્ટોક એક્સચેન્જ (NSE) બેન્ચમાર્ક નિફ્ટી માર્કેટ ઓપનિંગ સમયે લાલ નિશાનમાં ટ્રેડિંગ કરતા જોવા મળ્યા હતા. સેન્સેક્સ 100 પોઈન્ટ ઘટીને 67,100ની આસપાસ ટ્રેડ થતો જોવા મળ્યો હતો. નિફ્ટી પણ લગભગ 20 પોઈન્ટ ઘટીને 19,977 પર ટ્રેડ થતો જોવા મળ્યો હતો. મિડ કેપ શેર્સ પર દબાણ વધ્યું છે. મંગળવારે મિડ-કેપ અને સ્મોલ-કેપ સૂચકાંકોમાં 3-4%નો ભારે ઘટાડો જોવા મળ્યો હતો.
જુલાઈમાં 7.44%ની 15 મહિનાની ઊંચી સપાટીને સ્પર્શ્યા પછી ઓગસ્ટમાં છૂટક ફુગાવો ઘટીને 6.83% થયો હતો. ખાસ કરીને શાકભાજીના ભાવમાં નરમાઈને કારણે આંકડામાં ઘટાડો થયો છે. જો કે, તે હજુ પણ RBI બેન્ચમાર્કથી ઉપર છે. નેશનલ સ્ટેટેસ્ટિક્સ ઓફિસ (NSO) એ મંગળવારે જાહેર કરેલા ડેટામાં જણાવ્યું હતું કે ફૂડ બાસ્કેટમાં એકંદર ફુગાવો ઓગસ્ટમાં 9.94 ટકા હતો, જે જુલાઈમાં 11.51 ટકા હતો.
