5 સપ્ટેમ્બરની વાત કરીએ તો, બંને સૂચકાંકો – સેન્સેક્સ અને નિફ્ટી સતત ત્રીજા દિવસે વધારા સાથે બંધ થયા છે.
બુધવારે સ્થાનિક શેરબજારની શરૂઆત ઊંચી નોંધ પર થઈ નહોતી. વૈશ્વિક બજારના મિશ્ર સંકેતો વચ્ચે બોમ્બે સ્ટોક એક્સચેન્જ ફ્લેટ ખુલ્યો હતો. બોમ્બે સ્ટોક એક્સચેન્જનો ઈન્ડેક્સ એટલે કે સેન્સેક્સ 65,800ની આસપાસ અને નિફ્ટી 19,600 પોઈન્ટની આસપાસ ટ્રેડ થઈ રહ્યો છે. સેન્સેક્સમાં 50 પોઈન્ટનો વધારો થયો છે. પીએસયુ બેન્ક અને મેટલમાં ઘટાડો ચાલુ રહ્યો, જ્યારે એનર્જી સેક્ટરમાં વધારો થયો. વૈશ્વિક સંકેતોમાં ક્રૂડ ઓઈલના ભાવની પણ ભૂમિકા રહી છે. તેની કિંમત બેરલ દીઠ $90ને પાર કરી ગઈ છે, જે છેલ્લા 9 મહિનામાં સૌથી વધુ સ્તરની કિંમત છે.
5 સપ્ટેમ્બરે બજાર સતત ત્રીજા દિવસે મજબૂત હતું
છેલ્લા સત્ર એટલે કે 5 સપ્ટેમ્બરની વાત કરીએ તો, બંને સૂચકાંકો – સેન્સેક્સ અને નિફ્ટી સતત ત્રીજા દિવસે તેજી સાથે બંધ થયા હતા. સેન્સેક્સ 152.12 પોઈન્ટના ઉછાળા સાથે 65780.26 પોઈન્ટની સપાટીએ જ્યારે નિફ્ટી 46.10 પોઈન્ટના ઉછાળા સાથે 19574.90 પોઈન્ટની સપાટીએ બંધ રહ્યો હતો. વિદેશી સંસ્થાકીય રોકાણકારોએ ગયા મંગળવારે વેચવાલી કરી હતી.
