Waqf Amendment Act વકફ કાયદા પર સુનાવણી દરમિયાન કેન્દ્ર અને અરજદારો વચ્ચે તીવ્ર તકરાર, કોર્ટે કહ્યું – મુદ્દાઓ મર્યાદિત નથી
Waqf Amendment Act 20 મે, 2025ના રોજ વકફ સુધારા કાયદાને લઈને સુપ્રીમ કોર્ટમાં મહત્વપૂર્ણ સુનાવણી ચાલી રહી છે. આ દરમિયાન કેન્દ્ર સરકારના પ્રતિનિધિ તરીકે હાજર રહેલા સોલિસિટર જનરલ તુષાર મહેતાએ અને વકફ કાયદાને પડકારતી તરફથી વરિષ્ઠ વકીલ કપિલ સિબ્બલ વચ્ચે ઉગ્ર તર્ક થયો હતો. સુનાવણીની શરૂઆતમાં જ મુદ્દાઓને લઈને દલીલોમાં તીવ્રતા આવી ગઈ.
કેન્દ્ર સરકારે દલીલ કરી હતી કે, અગાઉની સુનાવણી દરમિયાન માત્ર ત્રણ સ્પષ્ટ મુદ્દાઓ — વકફ બોર્ડની નિમણૂક, વપરાશકર્તા દ્વારા વકફ અને સરકારી મિલકતની ઓળખ — પર જ જવાબ આપવાનો નિર્દેશ હતો. તુષાર મહેતાએ આ પોઈન્ટને દ્રઢપણે રજુ કરતાં કહ્યું કે અરજદારે આની બહારના અન્ય મુદ્દાઓ પણ ઉઠાવ્યા છે, જે વ્યવહારિક રીતે યોગ્ય નથી. તેમનો વાંધો એ હતો કે, સુનાવણી માત્ર નિર્ધારિત મુદ્દાઓ સુધી મર્યાદિત હોવી જોઈએ.
કપિલ સિબ્બલનો દાવો – “કોઈ મર્યાદાની સ્પષ્ટતા નથી”
કપિલ સિબ્બલે આ દલીલનો ભારપૂર્વક વિરોધ કર્યો. તેમણે સ્પષ્ટતા કરતા કહ્યું કે સુપ્રીમ કોર્ટે અગાઉના કોઈપણ આદેશમાં એમ નથી કહ્યું કે સુનાવણી ફક્ત ત્રણ મુદ્દાઓ પર જ મર્યાદિત રહેશે. તેમણે court record નો હવાલો આપીને કહ્યું કે આવા કોઈ સ્પષ્ટ નિર્દેશોની ગેરહાજરીમાં, અરજદારો અન્ય સંબંધિત મુદ્દાઓ પણ રજુ કરી શકે છે. સિબ્બલના મતે, આ મુદ્દાઓ વ્યાપક છે અને લોકોના અધિકારો અને માલિકીની જાળવણી સાથે સંકળાયેલા છે.
સુપ્રીમ કોર્ટે આપ્યું મહત્વપૂર્ણ નિવેદન
મુખ્ય ન્યાયાધીશ ભૂષણ રામકૃષ્ણ ગવઈની આગેવાની હેઠળની બેન્ચે કપિલ સિબ્બલ સાથે સંમતિ વ્યક્ત કરી હતી. કોર્ટે સ્પષ્ટ કહ્યું કે, “અમુક મુદ્દાઓ પર મર્યાદિત રહેવાની કોઈ સ્પષ્ટ શરત નહોતી.” એટલે હવે સુનાવણી દરમિયાન અન્ય સંબંધિત મુદ્દાઓ પણ વિચારણા હેઠળ લેવામાં આવી શકે છે.
આ કેસ હવે વધુ મહત્વનો બની રહ્યો છે, કારણ કે તે માત્ર વકફ કાયદાના નિયમોને નહીં, પણ જમીનની માલિકી, સરકારી મિલકત અને ધાર્મિક દાવાઓના સંવેદનશીલ મુદ્દાઓને સ્પર્શે છે. આગામી સુનાવણીમાં વધુ સ્પષ્ટતા મળી શકે છે કે વકફ કાયદાની ગણતરી કઈ હદ સુધી stretch થાય છે અને અરજદારોના દાવાઓ શું ન્યાય પામે છે.
