આસનસોલમાં CBI કોર્ટના સ્પેશિયલ જજે મોટો દાવો કર્યો છે. તેમણે કહ્યું છે કે પ્રાણીઓની તસ્કરીના કેસમાં આરોપી TMC નેતા અનુબ્રત મંડલને જામીન માટે ધમકી આપવામાં આવી રહી છે. મંડલ હાલ સીબીઆઈની કસ્ટડીમાં છે. ન્યાયાધીશે કહ્યું કે તેમને ધમકી આપવામાં આવી છે કે જો અનુબ્રત પટેલ બહાર નહીં આવે તો તેમના પરિવારના સભ્યો સામે ખોટા કેસ ચલાવવામાં આવશે.
જજ રાજેશ ચક્રવર્તીએ કહ્યું છે કે પત્ર દ્વારા બપ્પા ચેટર્જી નામના વ્યક્તિએ તેમને ધમકી આપી છે. ચેટર્જીએ કહ્યું છે કે જો મંડલને જામીન આપવામાં નહીં આવે તો જજના પરિવાર વિરુદ્ધ નાર્કોટિક્સ ડ્રગ્સ એન્ડ સાયકોટ્રોપિક સબસ્ટન્સ એક્ટ હેઠળ કેસ નોંધવામાં આવશે.
ન્યાયાધીશે આ બાબતની ફરિયાદ પશ્ચિમ બર્ધમાનના જિલ્લા ન્યાયાધીશને કરી છે અને તે પત્ર પણ તેમની ફરિયાદ સાથે જોડ્યો છે. તેમણે આ મુદ્દાને કલકત્તા હાઈકોર્ટમાં લઈ જવાની વિનંતી કરી છે. પત્રમાં ધમકી આપનાર વ્યક્તિએ દાવો કર્યો છે કે તે પૂર્વ બર્ધમાનની મેજિસ્ટ્રેટ કોર્ટમાં હેડ ક્લાર્ક છે. તેઓ ટીએમસીના નેતા પણ રહી ચૂક્યા છે. તેમણે પત્રમાં કહ્યું છે કે, “તમને વિનંતી કરવામાં આવે છે કે TMC નેતા અનુબ્રત મંડલને તાત્કાલિક જામીન આપવામાં આવે.
આ મામલે ભાજપ પણ સક્રિય થઈ ગયું છે. બીજેપી આઈટી સેલના વડા અમિત માલવિયાએ ટ્વીટ કર્યું કે અનુબ્રતા મંડલની ધરપકડ બાદ પણ મમતા બેનર્જી તેને બચાવવાનો પ્રયાસ કરી રહી છે. CBI કોર્ટે અનુબ્રતની કસ્ટડી 24 ઓગસ્ટ સુધી લંબાવી છે. 11 ઓગસ્ટે કોર્ટે તેને સીબીઆઈ કસ્ટડીમાં મોકલી દીધો હતો.
