સમગ્ર દેશ સહિત ગુજરાતમાં લોકો સહિત મુખ્યમંત્રી અને હીરાબા એ પણ દિવા પ્રગટાવ્યા

કોરોના વાયરસ જેવા ખતરનાક રોગ સામે વિશ્વ હાલ જંગ લડી રહ્યું છે ત્યારે પ્રધાનમંત્રી નરેન્દ્રભાઈ મોદીએ શુક્રવારે દેશવાસીઓ ને તા.5 મી એપ્રિલે રાત્રે 9 કલાકે 9 મિનિટ સુધી લાઈટો બંધ કરી દીવડાઓ પ્રગટાવવા ની કરેલી અપીલ ને માન આપી સમગ્ર દેશ સહિત ગુજરાત માં લોકો એ બરાબર રાતના 9 ના ટકોરે લાઈટો બંધ કરી દિવડા પ્રગટાવ્યા હતા અને અમદાવાદ, વડોદરા ,રાજકોટ, સુરત સહિત સમગ્ર ગુજરાતમાં લોકોએ લાઇટો બંધ કરી દીવડાં, મીણબત્તીઓ પ્રગટાવી ભારત માતા કી જય , વંદે માતરમ ના નારા લગાવ્યા હતા આ સાથેજ સાળંગપુર આવેલા હનુમાનજી નું સમગ્ર મંદિર પરિસર દીવાઓથી ઝળહળી ઉઠ્યું હતું.આજે રાત્રે 9 વાગ્યે સમગ્ર દેશમાં 9 મિનિટ માટે લાઇટો બંધ કરી દીવા, મીણબત્તી, ટોર્ચ કે મોબાઇલની ફ્લેશ લાઇટ સાથે બાલ્કની કે ઘરના દરવાજાપર ઊભા રહયા હતા. ગુજરાતના મુખ્યમંત્રી વિજય રૂપાણી સહિત તેમના પત્નીએ પણ ઘરઆંગણે દીવા પ્રગટાવી વડાપ્રધાનના સંદેશને આવકાર્યો હતો આ ઉપરાંત વડાપ્રધાનના માતા હિરાબાએ પણ દીવડાં પ્રગટાવ્યા હતા આમ ગુજરાત સહિત સમગ્ર દેશ દીવડાઓ થી ઝળહળીત થઈ ઉઠ્યો હતો.