આવતી કાલથી સંસદના શિયાળુ સત્રનો થશે પ્રારંભ

આવતી કાલથી સંસદના શિયાળુ સત્રનો થશે પ્રારંભ. આ માટે સરકાર તરફથી આજે સર્વપક્ષીય બેઠક બોલાવી હતી.સંસદીય કાર્ય મંત્રાલયે આ અંગે તમામ પક્ષના નેતાઓને નિમંત્રણ આપી દીધા છે. સંસદનુ શિયાળુ સત્ર ૧૫ ડિસેમ્બરથી પાંચ જાન્યુઆરી સુધી ચાલશે. સત્રમાં ૧૪ બેઠક યોજાશે.
અાપને જણાવી દઈએ કે ગત વર્ષની સરખામણીએ આ વર્ષે સંસદનું શિયાળુ સત્ર એક મહિનોમોડુ છે. વિપક્ષોએ સરકાર પર ગુજરાતની ચૂંટણીના કારણે સત્ર મોડુ બોલાવ્યુ હોવાનો આક્ષેપ કર્યો છે.
અા વખતના શિયાળુ સત્રથી ભાજપના રાષ્ટ્રીય અધ્યક્ષ અમિત શાહને વડા પ્રધાન મોદી, નાણાંપ્રધાન જેટલી સાથે રાજ્યસભાની પહેલી હરોળમાં સ્થાન આપ્યું છે. અા જગ્યા પર ઉપ રાષ્ટ્રપતિ એમ વૈંકૈયા નાયડુ બેસતા હતા. તેઓ રાજયસભાના સભાપતિ બની જતા સંસદમાં ખાલી પડેલી આ બેઠક ભાજપના અધ્યક્ષને આપવામાં આવી છે.
રાજ્યસભાના વિપક્ષના નેતા ગુલામનબી આઝાદની અધ્યક્ષતામાં સંસદના શિયાળુ સત્રમાં સરકારને ઘેરવાની રણનીતિ અંગે ચર્ચા કરવા વિપક્ષોની આજે બેઠક યોજાશે.જેમા અાવનારા શિયાળુ સત્રમાં વિપક્ષ તરફથી સત્તા પક્ષને ક્યા મુદાઓ પર ઘેરવા તેની ચર્ચા કરાશે.