નાણામંત્રીની જાહેરાત, 18મીથી દહીં, લસ્સી સહિતની આ વસ્તુઓ મોંઘી થશે; જુઓ યાદી

વધતી જતી મોંઘવારીની વચ્ચે સામાન્ય જનતાને ફરી એકવાર આંચકો મળવાનો છે. 18 જુલાઈથી હવે તમારે રોજિંદી ઘણી વસ્તુઓ માટે વધુ પૈસા ચૂકવવા પડશે. વાસ્તવમાં, GSTની 47મી બેઠક બાદ નાણામંત્રી નિર્મલા સીતારમણે આ માહિતી આપી હતી. નાણામંત્રીએ કહ્યું કે 18 જુલાઈથી કેટલીક નવી પ્રોડક્ટ્સ અને કેટલીક ચીજવસ્તુઓ અને સેવાઓ પર જીએસટીના દરો વધશે.

આ વસ્તુઓ મોંઘી થશે

પનીર, લસ્સી, છાશ, પનીર, લસ્સી, છાશ, પેકેજ્ડ દહીં, ઘઉંનો લોટ, અન્ય અનાજ, મધ, પાપડ, અનાજ, માંસ અને માછલી (ફ્રોઝન સિવાય), પફ્ડ ચોખા અને ગોળ જેવા પ્રી-પેકેજ લેબલવાળા કૃષિ ઉત્પાદનો 18 જુલાઈથી મોંઘા થશે. એટલે કે તેમના પરના ટેક્સમાં વધારો કરવામાં આવ્યો છે. હાલમાં, બ્રાન્ડેડ અને પેકેજ્ડ ખાદ્ય ચીજો પર 5 ટકા GST વસૂલવામાં આવે છે, જ્યારે અનપેક્ડ અને લેબલ વગરની વસ્તુઓ કરમુક્ત છે. ચાલો જાણીએ 18 જુલાઈથી કઈ વસ્તુ સસ્તી થશે અને કઈ મોંઘી થશે?

ટેટ્રા પેક દહીં, લસ્સી અને બટર મિલ્ક મોંઘા થશે, કારણ કે 18 જુલાઈથી તેના પર 5% GST લાગશે, જે અગાઉ લાગુ નહોતું.
ચેકબુક ઇશ્યૂ કરવા પર બેંકો દ્વારા લેવામાં આવતી ફી પર હવે 18% GST લાગશે.
હોસ્પિટલમાં રૂ. 5,000 (નોન-આઈસીયુ)થી વધુ ભાડે આપેલા રૂમ પર 5 ટકા GST વસૂલવામાં આવશે.
આ સિવાય હવે નકશા અને એટલાસ સહિતના ચાર્જ પર 12 ટકાના દરે GST વસૂલવામાં આવશે.
1000 રૂપિયા પ્રતિ દિવસથી ઓછા ભાડે હોટલના રૂમ પર 12 ટકા GST વસૂલવામાં આવશે, જે અગાઉ વસૂલવામાં આવતો ન હતો.
– એલઇડી લાઇટ્સ પર LED લેમ્પ પર 18 ટકા GST લાગશે જે અગાઉ લાગુ નહોતું.
– બ્લેડ, પેપર સિઝર્સ, પેન્સિલ શાર્પનર, ચમચી, ફોર્ક્ડ સ્પૂન, સ્કિમર અને કેક-સર્વર વગેરે પર અગાઉ 12 ટકા જીએસટી લાગતો હતો, હવે 18 ટકા જીએસટી લાગશે.

આ વસ્તુઓ સસ્તી થશે

– 18 જુલાઈથી રોપ-વે દ્વારા પેસેન્જરો અને સામાનને લઈ જવાનું સસ્તું થઈ જશે, કારણ કે તેના પર GST રેટ 18 ટકાથી ઘટાડીને 5 ટકા કરવામાં આવ્યો છે.
સ્પ્લિન્ટ્સ અને અન્ય ફ્રેક્ચર ડિવાઇસ, બોડી પ્રોસ્થેસિસ, બોડી ઇમ્પ્લાન્ટ્સ, ઇન્ટ્રા-ઓક્યુલર લેન્સ પર GST 12 ટકાથી ઘટાડીને 5 ટકા કરવામાં આવ્યો છે.
ઈંધણના ખર્ચથી માલસામાન વહન કરતા ઓપરેટરોના ભાડા પર GST 18 ટકાથી ઘટાડીને 12 ટકા કરવામાં આવશે.
સંરક્ષણ દળો માટે આયાત કરવામાં આવતી અમુક વસ્તુઓ પર IGST લાગુ થશે નહીં.