ઝારખંડમાં, કોરોના નિયમોની અવગણના અને માસ્ક ન પહેરવા પર 1 લાખ રૂપિયાનો દંડ અને 2 વર્ષની જેલ થઈ શકે છે. ઝારખંડના મંત્રીમંડળે ગુરુવારે ચેપી રોગો અધ્યાદેશ 2020 પસાર કર્યો. તેમાં કહેવામાં આવ્યું છે કે, સિક્યુરિટી પ્રોટોકોલનું ઉલ્લંઘન કરનારા અને માસ્ક નહીં પહેરનારાઓને 1 લાખ રૂપિયાનો દંડ ફટકારવામાં આવશે. આ સાથે, જે કોઈ નવા નિયમોનું ઉલ્લંઘન કરે છે અથવા નવા નિયમ હેઠળ માસ્ક પહેરતા નથી, તો તેને 2 વર્ષ જેલમાં પણ રહેવું પડી શકે છે. જોકે, આજે ઉલ્લંઘન કરનારાઓને રોકવા માટે રસ્તાઓ પર કોઈ ચેકીંગ જોવા મળ્યું નથી. રાજધાની રાંચીના રસ્તા પર ઘણા લોકોને માસ્ક વિના જોવા મળ્યા હતા.વાસ્તવમાં, ઝારખંડમાં કોરોના દર્દીઓની સંખ્યા ઝડપથી વધી રહી છે. આને કારણે હવે સરકારી હોસ્પિટલોમાં કોઈ જગ્યા નથી. સરકારે નિર્ણય લીધો છે કે હવે ખાનગી હોસ્પિટલ અને બેંક્વેટ હોલનો ઉપયોગ આઇસોલેશન વોર્ડ બનાવવા માટે કરવામાં આવશે, જોકે સરકારના નિર્ણયનો રાંચીના સ્ટેશન રોડ પર રહેતા લોકો દ્વારા વિરોધ કરવામાં આવી રહ્યો છે.લોકોનું કહેવું છે કે સરકાર તરફથી કોરોના દર્દીઓ માટેના આઇસોલેશન વોર્ડ રહેવાસી વિસ્તારોમાં બનાવવામાં આવી રહ્યા છે, જેના કારણે તેમના જીવન જોખમમાં મુકાયા છે.
Satya Day News
Satya Media Group was founded on 25th January 2005 with a vision to be a pioneer in Gujarati Media Fraternity to cater to news which are original and authentic along with the fearless voice of Gujarati People. We are an unbiased and most acclaimed media house. Satya Day has been Leading Gujarati News Portal since 2005.