સંસદમાં રજૂ થશે ત્રિપલ તલાક બિલ

ત્રિપલ તલાક બિલ અાજે લોકસભામાં રજૂ કરવામાં આવશે. મુસ્લિમ મહિલા વિવાહ અધિકાર સંરક્ષણ બિલ 2017 લોકસભામાં રજૂ થાય એ પહેલાં કોંગ્રેસે પણ આ બિલને સમર્થન આપવા તરફ ઇશારો કર્યો છે. આથી માનવામાં આવી રહ્યું છે કે, આ બિલ પાસ થઇ જશે અને મુસ્લિમ ધર્મમાં ત્રણ તલાકની પ્રથા પૂર્ણ થઇ જશે. લોકસભામાં બિલ પાસ થતા પહેલાં ભાજપ દ્વારા પોતાના તમામ સાંસદોને 28 અને 29 ડિસેમ્બરના રોજ સદનમાં હાજર રહેવા માટે વ્હિપ જાહેર કરવામાં આવ્યું હતું. સાંસદોને કહેવામાં આવ્યું છે કે, તેઓ લોકસભા અને રાજ્યસભામાં ઉપસ્થિત રહે. કોંગ્રેસ આ બિલને સમર્થન કરે તો બંને સદનમાં આ બિલ વિના વિઘ્ને પાસ થાય એવી આશા છે.
ત્રિપલ તલાક બિલ અનુસાર મૌખિક, લેખિત, એસએમએસ, વ્હોટસેપ કે અન્ય કોઇ રીતે એક સાથે ત્રણવાર તલાક કહી દેવાથી તલાક માન્ય નહીં થાય. આમ કરવાવાળા વ્યક્તિને કડક સજા કરવાની જોગવાઇ કરવામાં આવી છે. આવા વ્યક્તિને ત્રણ વર્ષની સજા થઇ શકે છે.મુસ્લિમ પર્સનલ લૉ બોર્ડે આ બિલને મહિલા વિરોધી કહ્યું છે.