ત્રિપલ તલાકને ગુનો ગણાવનાર બિલ રાજ્યસભામાં રજૂ કરવામાં આવશે. ગયા અઠવાડિયે આ બિલ લોકસભામાં રજૂ કરી દેવામાં આવ્યું છે. મુસ્લિમ મહિલા બિલને કાયદા મંત્રી રવિશંકર પ્રસાદ સદનમાં રજૂ કરશે. લોકસભામાં સરળતાથી આ બિલ પસાર કરાવનાર સત્તા પક્ષને બહુમતન હોવાના કારણે રાજ્યસભામાં મુશ્કેલી થઈ શકે છે.હાલ રાજ્યસભામાં એનડીએ અને કોંગ્રેસ બંને પાસે 57-57 સીટ છે. સરકાર સામે મુશ્કેલી એ છે કે, બીજૂ જનતા દળ અને એઆઈએડીએમકે જેવી પાર્ટીઓ આ સદનમાં મોદી સરકારને મદદ કરતી હોય છે પરંતુ ત્રિપલ તલાક બિલનો વિરોધ કરી રહી છે. આ સંજોગોમાં આ બિલ જો સ્ટેન્ડિંગકમિટી પાસે મોકલવામાં આવે છે તો તેનો અર્થ એવો થશે કે સરકાર તેને શિયાળુ સત્રમાં પાસ કરાવી શકશે નહીં. આ સેશન આ સપ્તાહના અંતમાં પુરૂ થઈ જવાનું છે. આ બિલ કાયદો બને તે માટે તેનું બંને સંસદમાં પાસ થવું જરૂરી છે.
Dipal
Satyaday, Gujarat’s largest language media group, brings to you the most comprehensive Gujarati News Website. The app covers Latest Gujarati news from all around the world giving you a complete up-to-date coverage on news anytime and anywhere.