Weather Update: ઠંડીએ જોર પકડ્યું! ગુજરાત સહિત સમગ્ર દેશને ધ્રુજાવશે કડકડતી ઠંડી, હવામાનની સ્થિતિ વિશે જાણો
Weather Update ગુજરાત સહિત સમગ્ર દેશ અને ખાસ કરીને ઉત્તર ભારતમાં તીવ્ર શિયાળાની શરૂઆત થઈ ગઈ છે. નવેમ્બર દરમિયાન ઉત્તર ભારતમાં તાપમાન સામાન્ય હતું, ત્યારે હવે ઠંડી ઝડપથી વધી રહી છે. પહાડી વિસ્તારોમાં હિમવર્ષાના કારણે મેદાની વિસ્તારોમાં પણ ઠંડીનું પ્રમાણ વધ્યું છે. દિલ્હીમાં રવિવારે સિઝનના પ્રથમ હળવા વરસાદે માત્ર ઠંડીનો અહેસાસ જ નથી કરાવ્યો પરંતુ પ્રદૂષણમાંથી પણ થોડી રાહત આપી છે. જો કે આ વરસાદ માત્ર ટૂંકા ગાળા માટે જ થયો હતો, પરંતુ હવાની ગુણવત્તા પર તેની અસર સ્પષ્ટપણે જોવા મળી હતી.
Weather Update હવામાનમાં આવેલા આ ફેરફારથી તાપમાનમાં 2-3 ડિગ્રીનો ઘટાડો થવાની સંભાવના છે. ઉત્તર પ્રદેશ અને બિહારમાં પણ તાપમાનમાં ઘટાડો થવાની સંભાવના છે, જ્યારે પર્વતીય રાજ્યોમાં ઘણી જગ્યાએ તાપમાન શૂન્યથી નીચે પહોંચી ગયું છે.
કડકડતી ઠંડી તમને પરેશાન કરશે
ભારતીય હવામાન વિભાગ (IMD) અનુસાર, 10 ડિસેમ્બરથી દિલ્હીમાં તાપમાનમાં તીવ્ર ઘટાડો નોંધવામાં આવી શકે છે અને તે 3 ડિગ્રી સેલ્સિયસ સુધી પહોંચી શકે છે. આને શીત લહેરની શરૂઆત માનવામાં આવે છે, જે 14 ડિસેમ્બર સુધીમાં દિલ્હી અને અન્ય ઉત્તરીય રાજ્યો જેવા કે પંજાબ, હરિયાણા અને પશ્ચિમી ઉત્તર પ્રદેશમાં અનુભવાશે. ઉત્તર પ્રદેશ, બિહાર અને ઉત્તરાખંડમાં ધુમ્મસ અને કોલ્ડવેવની શક્યતા છે. હિમાચલ અને ઉત્તરાખંડના પહાડી વિસ્તારોમાં ઠંડી અને હિમવર્ષાની અસર જોવા મળી રહી છે. પશ્ચિમ રાજસ્થાનમાં આગામી બે-ત્રણ દિવસ સુધી શીત લહેર યથાવત રહેશે.
રાજસ્થાન, પંજાબ, હરિયાણા અને ઉત્તર પ્રદેશ,ગુજરાતના મોટાભાગના વિસ્તારોમાં શીત લહેર ચાલુ રહેશે. વધતી ઠંડી અને વરસાદની અસર પહાડી વિસ્તારોમાં જોવા મળશે. તે જ સમયે દક્ષિણ ભારતમાં ભારે વરસાદને કારણે જનજીવન પ્રભાવિત થઈ શકે છે.
12 થી 14 ડિસેમ્બર દરમિયાન હળવા ધુમ્મસ સાથે તાપમાનમાં થોડો વધારો થઈ શકે છે.
આ સમયગાળા દરમિયાન મહત્તમ તાપમાન 25 ડિગ્રી સેલ્સિયસ અને લઘુત્તમ તાપમાન 6-8 ડિગ્રી સેલ્સિયસની આસપાસ રહેવાની ધારણા છે. જો કે 25 ડિસેમ્બર પછી ઠંડીમાં થોડો વધારો થઈ શકે છે, પરંતુ સિઝન માટે તાપમાન સામાન્ય કરતાં વધુ રહેવાની ધારણા છે.
IMDના વૈજ્ઞાનિક નરેશ કુમારે કહ્યું, “મધ્ય પાકિસ્તાન અને તેની આસપાસના વિસ્તારોમાં વેસ્ટર્ન ડિસ્ટર્બન્સ હજુ પણ સક્રિય છે. આજે અને આવતીકાલે હિમાલયમાં હળવાથી મધ્યમ વરસાદની શક્યતા છે અને પંજાબ, હરિયાણા અને દિલ્હીમાં હળવો વરસાદ પડી શકે છે.
ઠંડીની અસર
ઉત્તર ભારતમાં ઠંડીની અસર દેખાવા લાગી છે. હવામાન વિભાગે લોકોને સવારે અને મોડી રાત્રે ખાસ સાવચેતી રાખવાની સલાહ આપી છે. ઠંડીથી બચવા માટે ગરમ કપડાં પહેરો અને ઠંડા પવનથી બચવાનો પ્રયાસ કરો. આ ઋતુમાં સ્વાસ્થ્યનું ધ્યાન રાખવું અને શરદીથી બચવા માટે જરૂરી પગલાં લેવા ખૂબ જરૂરી છે.
