Brazilના એક ગામમાં સેંકડો ઉલ્કાઓ પડી છે. આ દરેક ટુકડાની કિંમત લાખોમાં જણાવાઈ રહી છે. ઘણીવાર આકાશમાંથી અથવા એક કહો કે અંતરિક્ષ માંથી પથ્થર, ઉલ્કાઓ પૃથ્વી પર પડતી રહે છે. પરંતુ તેમાં ધ્યાન આપવા લાયક એવું કઈ ખાસ નથી હોતુ. જોકે કેટલાક વૈજ્ઞાનિકોએ તેને રિસર્ચ માટે લઇ જતા હોય છે. તો કેટલાંક આવા પથ્થરને પોતાના ઘરે એલિયન ગિફ્ટ તરીકે રાખી સજાવટ માટે રાખતા હોય છે. Brazilના એક ગામમાં સેંકડો ઉલ્કાઓ પડી છે. સૌથી મોટા ટુકડાની કિંમત 19 લાખ રૂપિયાથી વધુ હોવાનો અંદાજ લગાવવામાં આવી રહ્યો છે.
Brazilના આ ગામમાં થયો ઉલ્કાપિંડનો વરસાદ
ઓગસ્ટ 19 ના રોજ, Brazilના સાન્ટા ફિલોમિના ગામમાં ઉલ્કાના ટુકડાઓનો વરસાદ થયો. અહીંના લોકો તેને પૈસાની વરસાદ ગણાવી રહ્યા છે. કારણ કે લોકોએ આ પત્થરો એકઠા કરીને રાખ્યા હતા. હવે જ્યારે વૈજ્ઞાનિકોએ પથ્થરોની તપાસ કરી તો જાણવા મળ્યું કે તે દુર્ભા પ્રકારના પથ્થર છે. જયારે વૈજ્ઞાનિકોએ લોકો પાસે પત્થરો માંગ્યા, તો તેઓ તેના બદલે કિંમત માંગી રહ્યા છે. મોટાભાગના લોકોએ તો લાખો રૂપિયાની કમાણી પણ કરી લીધી છે.
સૌથી મોંઘો પથ્થર 19 લાખ રૂપિયાનો
40 કિલોગ્રામ વજનવાળા સૌથી મોટા ટુકડાની કિંમત 26 હજાર ડોલર છે. જે આશરે 19 લાખ રૂપિયા છે. એવું કહેવામાં આવી રહ્યું છે કે સાન્ટા ફિલોમિના ગામમાં નાના-મોટા થઈને કુલ 200 થી વધુ ટુકડાઓ પડ્યા હતા. આ ટુકડાઓ તે ઉલ્કાપિંડના છે જે સૌરમંડળની રચના સમયના છે. આ ટુકડાઓનું પરીક્ષણ કરવાથી, બ્રહ્માંડના ઘણા રહસ્યો ઉજાગર થઈ શકે છે.
ગરીબ ગામમાં થઇ ધનવર્ષા
વૈજ્ઞાનિકોએ જણાવ્યું કે આવી માત્ર 1 ટકા ઉલ્કાઓ છે જે લાખો રૂપિયામાં વેચાય છે. આ Brazilના ગામના લોકો ખૂબ ગરીબ છે. જેને પણ આ પત્થરો મળ્યા તે રાતોરાત આમિર બની ગયા છે. 20 વર્ષીય વિદ્યાર્થી એડિમાર ડા કોસ્ટા રોડ્રિગ્સે જણાવ્યું કે તે દિવસે આખું આકાશ ધુમાડોથી ભરાઈ ગયું હતું. પછી મને મેસેજ મળ્યો કે આકાશમાંથી સળગતા પત્થરો પડી રહ્યા છે.
ઉલ્કાપિંડ લગભગ 4.6 અબજ વર્ષ જૂની
એવું માનવામાં આવી રહ્યું છે કે આ ઉલ્કાપિંડ લગભગ 4.6 અબજ વર્ષ જૂની છે. આ ખૂબ જ દુર્લભ ઉલ્કાપિંડ છે. તેમની કિંમત હજારો પાઉન્ડ છે. સાઓ પાઓલો યુનિવર્સિટીના રસાયણશાસ્ત્ર સંસ્થાના ગેબ્રીયલ સિલ્વાએ જણાવ્યું કે આ ઉલ્કા સંભવત: તે પહેલા ખનીજની છે જેનાથી આ સૌરમંડળ બન્યું છે.
164 ગ્રામનો પથ્થર વેચાયો 97 હજારમાં
સ્થાનિક લોકોને જાણકારી મળી કે તેમના વિસ્તારમાં આકાશમાંથી કંઇક પડ્યું જે ખૂબ કિંમતી છે, તેથી તેઓએ કહ્યું કે આકાશમાંથી પડેલ એક પ્રકારની રોકડ છે. એડિમાર ડા કોસ્ટા રોડ્રિગ્સને પણ સાત સેન્ટિમીટરનો પથ્થર મળ્યો. જેનું વજન 164 ગ્રામ હતું. તેણે આ પથ્થર વેચીને લગભગ 97 હજાર રૂપિયાની કમાણી કરી.
ભગવાને કર્યો પૈસાનો વરસાદ
ચર્ચમાં લોકો કહી રહ્યા છે કે ભગવાને અમારા માટે પૈસાની બોરી ખોલી નાખી છે. ગામના એક વ્યક્તિએ 2.8 કિલો પત્થર વેચીને 14.63 લાખ રૂપિયાની કમાણી કરી છે. રોડ્રિગ્સે કહ્યું કે આ ગામની 90 ટકા વસ્તી ખેતી કરે છે. અહીં ખાસ કઈ દુકાનો નથી. લોકોને રાહત આપવા આ વરસાદ વરસ્યો છે.
