મોબાઈલની ડિલીવરીમાં મોડું થયું તો મહિલા ચાકુ લઈને ડિલીવરી બોય પર તૂટી પડી

દિલ્હીના નિહાલ વિહારમાં ફ્લિપકાર્ટના ડિલીવરી બોય સાથે એક ભયાનક ઘટના ઘટી. મોબાઈલ ફોન મોડેથી ડિલીવરી કરવા પર ગુસ્સે થયેલી એક મહિલાએ પોતાના ભાઈ સાથે મળીને યુવક પર જીવલેણ હુમલો કર્યો. ડિલીવરી બોયને 20 વખત ચાકૂ માર્યા બાદ તેની બોડીને ગટર પાસે ફેંકી દીધી. પોલીસે આરોપી મહિલા અને તેના ભાઈની ધરપકડ કરી લીધી છે. જાણકારી મુજબ, દેશની રાજધાનીમાં નિહાર વિકારની રહેનારી કમલ દીપે ફ્લિપકાર્ટ પરથી એક મોબાઈલ ઓર્ડર કર્યો હતો. આ મોબાઈલની ડિલીવરી મોડા થતા કમલદીપ નારાજ હતી. કેશવ (28) નામનો ડિલીવરી બોય મોબાઈલ લઈને પહોંચ્યો, તો નારાજ કમલદીપે તેના પર ચાકૂથી તાબતડતોડ વાર કર્યા. બાદમાં ભાઈ સાથે મળીને તેને ગટરના નાળા પાસે ફેંકી દીધો. પોલીસ મુજબ, પીડિત કેશવ અંબિકા એનક્લેવ નિહાલ વિહારનો રહેવાસી છે. પીડિતના નિવેદનના આધારે પોલીસે આરોપી મહિલા અને તેના ભાઈ વિરુદ્ધ કેસ દાખલ કર્યો છે. આ પછી સીસીટીવીની મદદથી આરોપીઓની ધરપકડ કરીને જેલમાં મોકલી દીધા છે. આરોપી મહિલા ડિલીવરી બોયને 21 માર્ચથી મોડી ડિલીવરી માટે ફોન કરી રહી હતી. જેવો કેશવ ડિલીવરી લઈને તેના ઘરે પહોંચ્યો તો તેણે ઝઘડો કરવાનું શરૂ કરી દીધું. થોડી જ વારમાં તે રસોડામાંથી છરી લઈને આવી અને કેશવ પર તૂટી પડી. આ વચ્ચે તેનો ભાઈ આવી ગયો. બંનેએ તેને મારી મારીને અધમરો કરી નાખ્યો અને બાદમાં તેનું ગળું દબાબવાની મારવાનો પણ પ્રયાસ કર્યો. પછી તેના 40 હજાર રૂપિયા અને મોબાઈલ લૂંટી લીધા. જણાવી દઈએ કે આ પહેલા જ દિલ્હીના ગ્રેટર નોઈડાના સૂરજપુર વિસ્તારના ડેલ્ટા એકમાં સ્થિત પેટ્રોલ પંપ પાસે ત્રણ બાઈક સવારોએ ફ્લિપકાર્ટ કંપનીના ડિલીવરી બોય સાથે લૂંટ કરી હતી. વિરોધ કરવા પર બદમાશોએ ડિલીવરી બોયને માર માર્યો હતો. અને કેશ તથા ડિલીવરીની બેગ લૂંટીને ફરાર થઈ ગયા હતા.