Xiaomi એ ભારતમાં ત્રણ સ્માર્ટ ટીવી લોન્ચ કર્યા છે – 32 ઇંચ, 40 ઇંચ અને 43 ઇંચના ટીવી. આ ત્રણ ટીવીને કંપનીએ તેની A-સિરીઝ હેઠળ રજૂ કર્યા છે. આ કંપનીની એફોર્ડેબલ ટીવી રેન્જ છે. Xiaomiનું લેટેસ્ટ સ્માર્ટ ટીવી લોન્ચ ઑફર્સ સાથે માત્ર ₹13,999ની પ્રારંભિક કિંમતે ખરીદી શકાય છે. ત્રણેય ટીવી ગૂગલ ટીવી પ્લેટફોર્મ પર ચાલે છે.
Xiaomiએ ભારતમાં તેનો A-સિરીઝ સ્માર્ટફોન ટીવી લોન્ચ કર્યો છે. Xiaomiના નવા ટીવીને Dolby Audio, DTS: Virtual X અને Vivid Picture Engine ફીચર્સ સાથે રજૂ કરવામાં આવ્યા છે. કંપનીના આ સ્માર્ટ ટીવી લેટેસ્ટ PatchWall અને PatchWall+ સાથે લોન્ચ કરવામાં આવ્યા છે. તેની સાથે કંપનીનું કહેવું છે કે તે આ સ્માર્ટ ટીવીમાં 200 લાઈવ ચેનલ ફ્રીમાં આપી રહી છે. આ ટીવી લેટેસ્ટ ગૂગલ ટીવી પર પણ ચાલે છે.
Xiaomi A-સિરીઝ સ્માર્ટ ટીવીના ફીચર્સ
Xiaomi ના લેટેસ્ટ એ-સિરીઝના ટીવી ગૂગલની ટીવી ઓપરેટિંગ સિસ્ટમ, ગૂગલ ટીવીના નવીનતમ સંસ્કરણ પર ચાલે છે.
Xiaomi ના લેટેસ્ટ ટીવી બિલ્ટ-ઇન ક્રોમાકાસ્ટ ફીચર સાથે આવે છે, જેની મદદથી યુઝર્સ ફોન સાથે કનેક્ટ કરીને મૂવી, શો, ફોટો જોઈ શકે છે.
નવીનતમ Xiaomi A-સિરીઝના સ્માર્ટ ટીવી મેટાલિક ડિઝાઇન સાથે આવે છે. આ સાથે ફોનમાં બેઝલ-લેસ ડિઝાઇન આપવામાં આવી છે.
આ Xiaomi ટીવી ક્વાડ-કોર A35 ચિપ સાથે આવે છે, જેમાં 1.5GB RAM અને 8GB સ્ટોરેજ છે.
Xiaomi A-સિરીઝના સ્માર્ટ ટીવી ડ્યુઅલ-બેન્ડ Wi-Fi અને બ્લૂટૂથ 5.0 કનેક્ટિવિટી સાથે આવે છે.
આ ટીવી 2 HDMI પોર્ટ (ARC અને ALLM સપોર્ટ), 2 USB પોર્ટ, AV પોર્ટ અને હેડફોન જેક સાથે આવે છે.
Xiaomiના આ ટીવીમાં ક્વિક મ્યૂટ, ક્વિક વેક અને ક્વિક સેટિંગ જેવા ફીચર્સ પણ આપવામાં આવ્યા છે.
Xiaomi ના લેટેસ્ટ લૉન્ચ થયેલા ટીવીમાં ફુલ HD રિઝોલ્યુશન ડિસ્પ્લે છે, જે Vivid Picture Engine સપોર્ટ સાથે આવે છે.
તેની સાથે તેમાં 20W સ્પીકર સેટઅપ આપવામાં આવ્યું છે, જે ડોલ્બી ઓડિયો સપોર્ટ સાથે આવે છે. આ સાથે, ટીવીમાં DTS વર્ચ્યુઅલ:X માટે સપોર્ટ પણ આપવામાં આવ્યો છે. Xiaomi A-શ્રેણીના સ્માર્ટ ટીવી નવીનતમ PatchWall પર ચાલે છે.
Xiaomi A-સિરીઝ સ્માર્ટ ટીવી: કિંમત અને ઉપલબ્ધતા
Xiaomi A-સિરીઝ સ્માર્ટ ટીવીનું બજેટ ટીવી 32 ઇંચ છે, જે 14,999 રૂપિયાની કિંમતે રજૂ કરવામાં આવ્યું છે. આ સાથે 40 ઇંચનું ટીવી 22,999 રૂપિયામાં અને 43 ઇંચનું ટીવી 24,999 રૂપિયામાં રજૂ કરવામાં આવ્યું છે.
લોન્ચ ઓફર વિશે વાત કરીએ તો, ખરીદદારો Xiaomi સ્માર્ટ ટીવી 32A ટીવી રૂ. 13,999ની પ્રારંભિક કિંમતે ખરીદી શકે છે. Xiaomiના આ ટીવી Mi.com, Mi Homes, Flipkart અને રિટેલ સ્ટોર્સ પર વેચાણ માટે ઉપલબ્ધ છે.
