એશિયા કપ 2025: વિદેશી પિચ પર ચમકતા ભારતીય મૂળના ખેલાડી
એશિયા કપ 2025 માટે જોરશોરથી તૈયારી થઈ રહી છે. 9 સપ્ટેમ્બરથી શરૂ થતા આ ટુર્નામેન્ટમાં કુલ 8 ટીમો ભાગ લઈ રહી છે: ભારત, પાકિસ્તાન, અફઘાનિસ્તાન, શ્રીલંકા, બાંગ્લાદેશ, ઓમાન, હોંગકોંગ, અને યૂએઈ. ખાસ વાત એ છે કે આ ટીમોમાં માત્ર ભારત જ નહીં, પરંતુ અન્ય ઘણા દેશોની ટીમોમાં પણ ભારતીય મૂળના ખેલાડીઓ જોવા મળશે.
ઓમાન: પંજાબથી પિચ પર
ઓમાન ટીમના કેપ્ટન જતિંદર સિંહ પંજાબના લુધિયાણાના વતની છે. તેઓએ 2015માં અફઘાનિસ્તાન વિરુદ્ધ T20 આંતરરાષ્ટ્રીય ડેબ્યુ કર્યું હતું. 64 T20 મેચોમાં તેમણે 1399 રન બનાવ્યા છે. વિકેટકીપર વિનાયક શુક્લા, બેટ્સમેન કરણ સોનાવલે, આર્યન બિષ્ટ અને આશિષ ઓડેદરા પણ ભારતીય મૂળ ધરાવે છે. આ ઉપરાંત, ઓમાનની ટીમમાં અમુક પાકિસ્તાની મૂળના ખેલાડીઓ પણ સામેલ છે જેમ કે આમિર કલીમ અને મોહમ્મદ નદીમ.
𝐎𝐦𝐚𝐧 𝐡𝐚𝐯𝐞 𝐚𝐧𝐧𝐨𝐮𝐧𝐜𝐞𝐝 𝐚 𝐧𝐞𝐰-𝐥𝐨𝐨𝐤 𝐬𝐪𝐮𝐚𝐝 𝐟𝐨𝐫 𝐭𝐡𝐞 #𝐀𝐂𝐂𝐌𝐞𝐧𝐬𝐀𝐬𝐢𝐚𝐂𝐮𝐩𝟐𝟎𝟐𝟓 🇴🇲#ACC pic.twitter.com/2YA46SSa2M
— AsianCricketCouncil (@ACCMedia1) August 26, 2025
યુએઈ: ક્રિકેટના રંગમંચ પર ભારતીય તરંગ
યુએઈની ટીમનું નેતૃત્વ મોહમ્મદ વસીમ કરે છે. આ ટીમમાં કુલ છ ભારતીય મૂળના ખેલાડીઓ છે: આર્યનશ શર્મા, ધ્રુવ પરાશર, હર્ષિત કૌશિક, રાહુલ ચોપરા, સિમરનજીત સિંહ અને કેરળમાં જન્મેલા અલીશાન શરાફુ. આ ખેલાડીઓએ યુએઈના ડોમેસ્ટિક અને ક્લબ લેવલ પર શ્રેષ્ઠ પ્રદર્શન કરીને આંતરરાષ્ટ્રીય મંચ સુધીનું મુસાફર પૂરું કર્યું છે.
હોંગકોંગ: દેશ અલગ, રુટ ભારતીય
હોંગકોંગ ટીમના કેપ્ટન યાસીમ મુર્તઝા પાકિસ્તાની મૂળના છે, પણ ટીમમાં બે ભારતીય મૂળના ખેલાડીઓ છે – આયુષ આશિષ શુક્લા અને કિંચિત શાહ. આ બંને ખેલાડીઓએ હોંગકોંગ માટે લાંબા સમયથી રમતા આવી રહ્યા છે અને ટીમ માટે મજબૂત મિડલ ઓર્ડર બેટ્સમેન તરીકે જાણીતાં છે.
Hong Kong, China have named a strong squad for the #ACCMensAsiaCup2025 🇭🇰
Yasim Murtaza will take on his first major assignment as skipper, with the experience of Rath, Nizakat, Babar, Aizaz and Ehsan forming the core around him. #ACC pic.twitter.com/0F2ibNJ1p2
— AsianCricketCouncil (@ACCMedia1) August 22, 2025
ભારતીય દિલ, વિદેશી જર્સી
આ એશિયા કપ માત્ર દેશોની ટક્કર નથી, પણ તેની અંદર કેટલીક એવી કહાણીઓ પણ છુપાયેલી છે કે જેમાં ખેલાડીઓનો જન્મ ભલે વિદેશમાં થયો હોય, કે રહેવું ભારતમાંથી દૂર હોય, પણ દિલ આજે પણ દેશ સાથે ધબકે છે. ભારતીય મૂળના ઘણા ખેલાડીઓ વિદેશી ટીમોમાંથી પોતાની પ્રતિભા જણાવીને એશિયા કપ 2025ને વધુ રસપ્રદ બનાવશે
