Jamnagar Congress Protest Against Corruption: હવન દ્વારા અનોખી રાજકીય રજૂઆત
Jamnagar Congress Protest Against Corruption: જામનગર મહાનગરપાલિકાની કચેરીમાં આજે કોંગ્રેસ કાર્યકરોએ નવો અને અનોખો વિરોધ દાખવ્યો. શહેર કોંગ્રેસ પ્રમુખ દિગુભા જાડેજા અને વિરોધ પક્ષના નેતા ધવલ નંદાનીની આગેવાની હેઠળ કાર્યકરો અને કોર્પોરેટરો ભેગા થયા અને ભાજપના શાસન હેઠળ ચાલતા ભ્રષ્ટાચાર સામે હવન કરીને આહુતિ આપી.
પ્લેકાર્ડ અને નારાબાજી સાથે વિરોધ
વિરોધ પ્રદર્શન દરમિયાન કાર્યકરો “કચરા ઉપાડમાં ભ્રષ્ટાચાર”, “ભૂગર્ભમાં ભાજપ તારો ભ્રષ્ટાચાર” અને “ટેન્ડર પ્રક્રિયામાં ભાજપનું ઇલુ-ઇલુ” જેવા પોસ્ટરો અને બેનરો સાથે વિરોધ નોંધાવ્યો. તેઓનું કહેવું છે કે ભાજપના શાસનમાં ભ્રષ્ટાચાર ઉગ્ર બન્યો છે, અને સામાન્ય નાગરિકો ઉપર તેની સીધી અસર પડી રહી છે.
પાલિકા કચેરીની લોબીમાં બેઠકો અને હવન
કાર્યકરો મહાનગરપાલિકાની કચેરીની લોબીમાં બેસી ગયા હતા અને જાહેરમાં હવન યોજીને ભ્રષ્ટાચારના અંત માટે પ્રાર્થના કરી. આ અનોખા વિરોધમાં કોંગ્રેસના શહેર સ્તરના આગેવાનો ઉપસ્થિત રહ્યા હતા અને ધાર્મિક રીતે આહુતિ આપી ભ્રષ્ટ વ્યવસ્થાની નારાજગી વ્યક્ત કરી.
પોલીસ તંત્રની તાત્કાલિક કાર્યવાહી
પ્રદર્શનના થોડા સમયમાં શહેરની સીટી એ-ડિવિઝન પોલીસ ટીમ ઘટના સ્થળે પહોંચી હતી અને તમામ કાર્યકરોને ત્યાંથી વિખુટા પાડી દીધા હતા. પોલીસે પ્રવેશ અવરોધતા કાયદાની ભંગની દ્રષ્ટિએ મામલો શાંતિપૂર્વક હલ કર્યો.
