કાંતારા ચેપ્ટર 1 ટ્રેલર: ફેન્સની રાહનો અંત, જાણો ક્યારે આવશે ટ્રેલર
ઋષભ શેટ્ટીની સૌથી વધુ રાહ જોવાતી ફિલ્મ ‘કાંતારા: અ લેજન્ડ – ચેપ્ટર 1’નું ટ્રેલર આખરે રિલીઝ થવા જઈ રહ્યું છે. મેકર્સે, હોમ્બલે ફિલ્મ્સએ, શુક્રવારે આ અંગે એક મોટી જાહેરાત કરતા જણાવ્યું કે ફિલ્મનું ટ્રેલર 22 સપ્ટેમ્બરે બપોરે 12:45 વાગ્યે લોન્ચ કરવામાં આવશે.
2 ઓક્ટોબરે થશે રિલીઝ
આ ફિલ્મ 2 ઓક્ટોબરે સિનેમાઘરોમાં આવશે. ખાસ વાત એ છે કે તેને એકસાથે કન્નડ, હિન્દી, તમિલ, તેલુગુ, મલયાલમ, બંગાળી અને અંગ્રેજી સહિત અનેક ભાષાઓમાં રિલીઝ કરવામાં આવશે. આ ફિલ્મ 2022ની બ્લોકબસ્ટર કાંતારાની પ્રિક્વલ (પૂર્વકથા) હોવાથી દર્શકોમાં જબરદસ્ત ઉત્સાહ છે.
કાંતારાની સફળતાની ગાથા
મૂળ ફિલ્મ કન્નડ ભાષામાં બનેલી એક નાની બજેટની ફિલ્મ હતી, જેનું નિર્માણ માત્ર 16 કરોડ રૂપિયામાં થયું હતું. પરંતુ રિલીઝ થયા બાદ આ ફિલ્મે સમગ્ર દેશમાં ધૂમ મચાવી દીધી હતી અને અલગ-અલગ ભાષાઓમાં ડબ થઈને વિશ્વભરમાં લગભગ 415 કરોડ રૂપિયાની કમાણી કરી હતી. આ સફળતાએ ઋષભ શેટ્ટીને સ્ટાર બનાવી દીધો અને હોમ્બલે ફિલ્મ્સને આંતરરાષ્ટ્રીય સ્તરે ઓળખ અપાવી.
આ વખતે પણ મોટું કદ
નિર્માતા વિજય કિરાગંદૂર પહેલેથી જ કહી ચૂક્યા છે કે ‘કાંતારા: ચેપ્ટર 1’ તેમનો અત્યાર સુધીનો સૌથી મોટો પ્રોજેક્ટ છે. આ ફિલ્મમાં કાદુબેટ્ટુ શિવની ઉત્પત્તિ અને કદંબ રાજવંશના સમયની વાર્તા દર્શાવવામાં આવશે. પોસ્ટર અને નાની-નાની ઝલકોથી જ ફેન્સનો ઉત્સાહ બમણો થઈ ગયો છે.
ಕಾಂತಾರ ಅಧ್ಯಾಯ 1 ದರ್ಶನಕ್ಕೆ ಕ್ಷಣಗಣನೆ.
ಇದೇ 22nd, ಮಧ್ಯಾಹ್ನ 12:45ಕ್ಕೆ.
Get a glimpse into the world of #KantaraChapter1 & witness the rise of a LEGEND 🔥
#KantaraChapter1Trailer on September 22nd at 12:45 PM.
Subscribe & stay tuned to: https://t.co/QxtFZcNhrG
In cinemas… pic.twitter.com/jP3amddd9f
— Hombale Films (@hombalefilms) September 19, 2025
ટ્રેલરથી વધી અપેક્ષાઓ
ફિલ્મના પ્રમોશન વિશે મેકર્સે અત્યાર સુધી કોઈ ખાસ ખુલાસો કર્યો નહોતો. માત્ર કેટલાક પોસ્ટર જારી કરીને ચાહકોની જિજ્ઞાસા વધારવામાં આવી હતી. પરંતુ હવે ટ્રેલરની તારીખ સામે આવતાં દર્શકોનો રોમાંચ વધુ વધી ગયો છે. સોશિયલ મીડિયા પર જાહેરાત કરતા મેકર્સે લખ્યું –
“કાંતારા ચેપ્ટર 1 ની દુનિયાની એક ઝલક મેળવો અને એક લિજેન્ડનો ઉદય જુઓ.”
દર્શકો માટે મોટી ટ્રીટ
કાંતારાનો ક્રેઝ એટલો છે કે તેની આગલી કડી માટે પણ લોકો મહિનાઓથી રાહ જોઈ રહ્યા હતા. હવે ટ્રેલર રિલીઝ થતા જ ફિલ્મની વાર્તા અને ભવ્યતાનો અંદાજ મળી શકશે. 2 ઓક્ટોબરે જ્યારે આ ફિલ્મ સિનેમાઘરોમાં રિલીઝ થશે, ત્યારે આશા છે કે આ ફિલ્મ બોક્સ ઓફિસ પર ફરી એકવાર ઇતિહાસ રચશે.
