Lok Sabha Election 2024: મુખ્ય ચૂંટણી કમિશનર રાજીવ કુમારે આજે પત્રકાર પરિષદ યોજી હતી. આ દરમિયાન તેમણે મત ગણતરી પ્રક્રિયા વિશે માહિતી આપી હતી. તેમણે જયરામ રમેશના આરોપોનો પણ જવાબ આપ્યો છે.
દેશમાં આવતીકાલે એટલે કે 4 જૂને લોકસભા ચૂંટણી 2024ની મતગણતરી હાથ ધરાશે. ચૂંટણી પંચે આજે (3 જૂન 2024) મતગણતરી પહેલા પ્રેસ કોન્ફરન્સ યોજી હતી. મુખ્ય ચૂંટણી કમિશનર (CEC) રાજીવ કુમારે આ દરમિયાન કહ્યું, ‘અમે 642 મિલિયન મતદારોનો વર્લ્ડ રેકોર્ડ બનાવ્યો છે. આ તમામ G7 દેશોના મતદારો કરતાં 1.5 ગણું અને 27 EU દેશોના મતદારો કરતાં 2.5 ગણું છે.
મુખ્ય ચૂંટણી કમિશનર (CEC) રાજીવ કુમારે પણ પ્રેસ કોન્ફરન્સમાં વિપક્ષના પ્રશ્નો અને ફરિયાદોના જવાબ આપ્યા. તાજેતરમાં ઈન્ડિયા એલાયન્સના નેતાઓ ચૂંટણી પંચના અધિકારીઓને મળ્યા હતા. આ દરમિયાન તેમણે ત્રણ મોટી માંગણીઓ ઉઠાવી હતી. આ અંગે મુખ્ય ચૂંટણી કમિશનરે કહ્યું, ‘મુખ્ય ચૂંટણી કમિશનરે કહ્યું કે અમે વિરોધ પક્ષો દ્વારા કરવામાં આવેલી લગભગ તમામ માગણીઓ સ્વીકારી લીધી છે. આ કંઈ નવું નથી, પહેલાથી જ થતું આવ્યું છે. આ મામલે તમામ ચૂંટણી અધિકારીઓને સૂચનાઓ પણ આપવામાં આવી હતી.
જયરામ રમેશના આરોપો પર આ વાત કહી
શનિવારે (1 જૂન) કોંગ્રેસના નેતા જયઘારામ રમેશે આરોપ લગાવ્યો હતો કે, ‘ગૃહમંત્રી અમિત શાહ જિલ્લા કલેક્ટરને ફોન કરીને ધમકાવી રહ્યા છે. તેમણે શનિવારે સવારથી 150 અધિકારીઓને બોલાવ્યા છે. ‘ તેમના આરોપનો જવાબ આપતા મુખ્ય ચૂંટણી કમિશનરે કહ્યું, ‘આ કેવી રીતે થઈ શકે છે શું કોઈ તેમને (DM/RO) પ્રભાવિત કરી શકે છે? અમને કહો કે આ કોણે કર્યું છે, અમે તેને સજા કરીશું. તમે અફવાઓ ફેલાવીને બધાને શંકાના દાયરામાં લાવો તે યોગ્ય નથી.”
4 જૂને લોકસભા ચૂંટણીના પરિણામો જાહેર કરવા માટે અનુસરવામાં આવેલી મતગણતરી પ્રક્રિયા વિશે માહિતી આપતા મુખ્ય ચૂંટણી કમિશનર રાજીવ કુમારે જણાવ્યું હતું કે, “સમગ્ર મતગણતરી પ્રક્રિયા સંપૂર્ણપણે મજબૂત છે. તે ઘડિયાળની ચોકસાઈની જેમ કામ કરે છે.”
