Lok Sabha Election 2024:લોકસભા ચૂંટણીના પાંચમા તબક્કામાં બંગાળની સાત બેઠકો પર મતદાન થઈ રહ્યું છે. જ્યાં બપોરે 3 વાગ્યા સુધી 62.72 મત નોંધાયા હતા. કાળઝાળ ગરમી વચ્ચે પણ લોકો ઘરની બહાર નીકળીને મતાધિકારનો ઉપયોગ કર્યો હતો. જોકે, રાજ્યના મુખ્યમંત્રી મમતા બેનર્જીના ભાઈ પોતે પોતાનો મત આપી શક્યા ન હતા. જાણો શું હતું તેનું કારણ.
લોકસભા ચૂંટણીના પાંચમા તબક્કામાં બંગાળની સાત બેઠકો પર મતદાન થઈ રહ્યું છે. જ્યાં બપોરે 3 વાગ્યા સુધી 62.72 મત નોંધાયા હતા. કાળઝાળ ગરમી વચ્ચે પણ લોકો ઘરની બહાર નીકળીને મતાધિકારનો ઉપયોગ કર્યો હતો.
જોકે, રાજ્યના મુખ્યમંત્રી મમતા બેનર્જીના ભાઈ પોતે પોતાનો મત આપી શક્યા ન હતા. ન્યૂઝ એજન્સી પીટીઆઈના જણાવ્યા અનુસાર, મમતાના સૌથી નાના ભાઈ બાબુન બેનર્જી વોટ આપી શક્યા નહોતા કારણ કે તેમનું નામ મતદાર યાદીમાં નહોતું, પરંતુ તેમને આ અંગે અગાઉથી જાણ નહોતી.
ટીએમસીએ પ્રશ્નો ઉઠાવ્યા
હાવડામાં રહેતો બાબુન જ્યારે મતદાન કરવા મતદાન મથક પર પહોંચ્યો ત્યારે તેને ખબર પડી કે તેનું નામ મતદાર યાદીમાં નથી. ટીએમસીએ આ સમગ્ર મામલે ચૂંટણી પંચ પર સવાલ ઉઠાવ્યા છે. ટીએમસીના પ્રવક્તા શાંતનુ સેને કહ્યું, ‘ભારતનું ચૂંટણી પંચ સમગ્ર મામલાની તપાસ કરી રહ્યું છે. આવું કેમ થયું તે ફક્ત તે જ કહી શકે છે.
ટીકીટ ન મળવાને લઈને ઘર્ષણ
તમને જણાવી દઈએ કે આ પહેલા માર્ચમાં બાબુને હાવડા લોકસભા સીટ પરથી ટીએમસી સાંસદ પ્રસૂન બેનર્જીને ફરીથી નામાંકન આપવા પર નારાજગી વ્યક્ત કરી હતી. તેમણે કહ્યું હતું કે પાર્ટીએ તેમને ટિકિટ આપવાનું વચન આપ્યું હતું. ત્યારે મમતા બેનર્જીએ ખુલ્લેઆમ તેમને છોડી દેવાની અને તેમની સાથે સંબંધો તોડવાની વાત પણ કરી હતી. તે પછી એવી પણ ચર્ચા હતી કે બાબુન હાવડાથી અપક્ષ તરીકે ચૂંટણી લડી શકે છે, પરંતુ તેણે તેમ કર્યું નહીં.
