Look back 2024: આ વર્ષે રાજકારણમાં ઐતિહાસિક વળાંક, જાણો કોણ બન્યા નવા વડાપ્રધાન કે રાષ્ટ્રપતિ
Look back 2024: વર્ષ 2024 માં, વિશ્વના ઘણા મોટા દેશોમાં ચૂંટણીઓ યોજાઈ હતી, જેમાં ભારત, અમેરિકા, બ્રિટન, રશિયા, દક્ષિણ આફ્રિકા, પાકિસ્તાન, બાંગ્લાદેશ અને અન્ય દેશોમાં નોંધપાત્ર ફેરફારો જોવા મળ્યા હતા. આ ચૂંટણીઓએ માત્ર આ દેશોના આંતરિક રાજકીય પરિદ્રશ્યને જ પ્રભાવિત કર્યું નથી, પરંતુ વૈશ્વિક વ્યવસ્થાને પણ નવી દિશા આપી છે. ચાલો જાણીએ કે આ ચૂંટણીઓના પરિણામોએ વિશ્વભરના રાજકારણને કેવી રીતે આકાર આપ્યો.
ભારત
Look back 2024 વિશ્વની સૌથી મોટી લોકશાહી ભારતમાં એપ્રિલ-જૂન 2024 વચ્ચે લોકસભાની ચૂંટણીઓ યોજાઈ હતી. પીએમ નરેન્દ્ર મોદીના નેતૃત્વમાં એનડીએએ 303 સીટો જીતીને મોટી જીત નોંધાવી છે. જેમાં ભાજપે એકલા હાથે 240 બેઠકો જીતી હતી. નરેન્દ્ર મોદી ત્રીજી વખત વડાપ્રધાન બન્યા, તેઓ આમ કરનાર નેહરુ પછી બીજા નેતા છે. આ જીતથી ભારતની વૈશ્વિક સ્થિતિ વધુ મજબૂત થઈ.
અમેરિકા
અમેરિકામાં 5 નવેમ્બરે રાષ્ટ્રપતિની ચૂંટણી યોજાઈ હતી. રિપબ્લિકન પાર્ટીના ડોનાલ્ડ ટ્રમ્પે ડેમોક્રેટ્સની કમલા હેરિસને હરાવીને બીજી વખત રાષ્ટ્રપતિ પદ જીત્યું. તેઓ 20 જાન્યુઆરી, 2025ના રોજ 47માં રાષ્ટ્રપતિ તરીકે શપથ લેશે.
રશિયા
એપ્રિલ 2024માં રશિયામાં રાષ્ટ્રપતિની ચૂંટણી યોજાઈ હતી. વ્લાદિમીર પુતિન 87% મતો સાથે 5મી વખત રાષ્ટ્રપતિ તરીકે ચૂંટાયા. તેઓ 2030 સુધી સત્તામાં રહેશે.
બ્રિટન
4 જુલાઈ 2024ના રોજ યોજાયેલી ચૂંટણીમાં ઋષિ સુનકની કન્ઝર્વેટિવ પાર્ટીનો પરાજય થયો હતો. લેબર પાર્ટીએ 410 બેઠકો સાથે પ્રચંડ વિજય મેળવ્યો અને કીર સ્ટારર નવા વડાપ્રધાન બન્યા.
દક્ષિણ આફ્રિકા
અહીં 29 મે 2024ના રોજ ચૂંટણી યોજાઈ હતી. શાસક આફ્રિકન નેશનલ કોંગ્રેસ સૌથી મોટી પાર્ટી રહી પરંતુ બહુમતી ગુમાવી.
જાપાન
27 ઓક્ટોબર 2024ના રોજ જાપાનમાં સામાન્ય ચૂંટણીઓ યોજાઈ હતી. વડા પ્રધાન શિગેરુ ઇશિબાની પાર્ટી એલડીપી બહુમતીથી ઓછી પડી. ગઠબંધનને 215 બેઠકો મળી હતી.
બાંગ્લાદેશ
જાન્યુઆરી 2024માં, શેખ હસીના 222 બેઠકો જીતીને 5મી વખત વડાપ્રધાન બન્યા. પરંતુ ઓગસ્ટ 2024માં વિદ્યાર્થીઓના આંદોલને તેમને સત્તા પરથી હટાવ્યા હતા.
પાકિસ્તાન
8 ફેબ્રુઆરી 2024 ના રોજ યોજાયેલી ચૂંટણીમાં, પીએમએલ-એનએ 75 બેઠકો જીતી અને શેહબાઝ શરીફ બીજી વખત વડા પ્રધાન બન્યા. ઈમરાન ખાન ચૂંટણી લડી શક્યા ન હતા, પરંતુ તેમના સમર્થકોએ 100 બેઠકો જીતી હતી.
શ્રીલંકા
21 સપ્ટેમ્બર 2024 ના રોજ, ડાબેરી નેતા અનુરા કુમારા દિસાનાયકે રાષ્ટ્રપતિની ચૂંટણી જીતી. તેમની પાર્ટી એનપીપીએ પણ સંસદીય ચૂંટણીમાં બહુમતી મેળવી હતી.
