NCP-શિવસેનાનાં ઉભા ફાડચા થયા પણ સૌથી વધુ નુકશાન કોંગ્રેસને, એકનાથ-અજીત પવારે ઉદ્વવ અને શરદ પવારને પછાડ્યા
NCP મહારાષ્ટ્ર વિધાનસભા ચૂંટણીના પરિણામો હવે ધીમે ધીમે સ્પષ્ટ થઈ રહ્યા છે. અહીં સત્તાધારી ભાજપની આગેવાની હેઠળની ગઠબંધન મહાયુતિ સત્તા જાળવી રાખવામાં સફળ જણાય છે. ચૂંટણી પંચના આંકડા અનુસાર, 288 વિધાનસભા બેઠકોમાંથી 204 બેઠકો પર મહાયુતિ આગળ છે. વિપક્ષી ગઠબંધન મહા વિકાસ અઘાડી (MVA)ના ઉમેદવારો માત્ર 53 સીટો પર આગળ છે. ચૂંટણી પંચના જણાવ્યા અનુસાર, શાસક મહાગઠબંધનમાં ભાજપના ઉમેદવારો 221 બેઠકો પર, શિવસેના 56 અને NCP 36 બેઠકો પર આગળ છે. MVA માં, રાષ્ટ્રવાદી કોંગ્રેસ પાર્ટી (શરદચંદ્ર પવાર) ઉમેદવાર 12 બેઠકો પર, કોંગ્રેસ 18 પર અને શિવસેના (ઉદ્ધવ બાળાસાહેબ ઠાકરે) 20 બેઠકો પર આગળ છે.
કોનો આધાર આધાર કેટલો ઘટ્યો?
મહારાષ્ટ્રમાં ભાજપ વિરુદ્ધ કોંગ્રેસ તેમજ શિવસેના વિરુદ્ધ શિવસેના અને એનસીપી વિરુદ્ધ એનસીપી વચ્ચે સ્પર્ધા હતી. જો શિવસેના અને એનસીપીના સમર્થનની વાત કરીએ તો એમ કહી શકાય કે જો શિવસેના એક રહી હોત તો ફાયદામાં હોત.
ગત વખતે શિવસેનાને 56 બેઠકો મળી હતી. આ વખતે જો શિવસેનાના બંને જૂથોને ભેગા કરવામાં આવે તો સીટોની સંખ્યા 70ને વટાવી જાય છે. જો આપણે બંને જૂથોને મળેલા મતોની ટકાવારી પર નજર કરીએ તો, તેમને લગભગ 23% મત મળ્યા છે, જે ગયા વખતના 16% મતો કરતાં વધુ છે.
બીજી તરફ, જો આપણે એનસીપીના બંને જૂથોની બેઠકો ઉમેરીએ તો એમ કહી શકાય કે જો આ વખતે પાર્ટી એક રહી હોત તો તેને 50 બેઠકો મળી શકી હોત, જ્યારે ગત વખતે પાર્ટીને 54 બેઠકો મળી હતી. NCPના બંને જૂથોને મળેલા કુલ મતો પણ લગભગ 22% છે, જે છેલ્લી વખતના 16% મતો કરતાં વધુ છે.
ભાજપને વોટ ટકાવારીમાં થોડું નુકસાન થઈ રહ્યું છે. આ વખતે તેમને 23.40% વોટ મળતા જણાય છે, જ્યારે ગત વખતે તેમને 26.1% વોટ મળ્યા હતા. સીટોની વાત કરીએ તો આ વખતે પાર્ટીએ મહારાષ્ટ્રમાં અત્યાર સુધીનું શ્રેષ્ઠ પ્રદર્શન કર્યું છે. ભાજપને 2019માં 105 અને 2014માં 122 બેઠકો મળી હતી.
કોંગ્રેસને આ વખતે ઘણું નુકસાન થયું છે. ગત વખતે તેને 16.1% વોટ મળ્યા હતા, જ્યારે આ વખતે તેને માત્ર 10.95% વોટ મળ્યા હોવાનું જણાય છે. ગત વખતે તેને 44 બેઠકો મળી હતી, જ્યારે આ વખતે તે 21ની આસપાસ છે.
કોને કેટલી સફળતા મળી?
જો આપણે શિવસેનાના બંને જૂથોને અલગથી જોઈએ તો, એકનાથ શિંદેના સીધા નેતૃત્વવાળી પાર્ટીની સફળતાની ટકાવારી વધુ સારી હતી. આ વખતે શિવસેનાના સત્તાધારી જૂથે 81 બેઠકો પર ચૂંટણી લડી હતી અને તે 53 બેઠકો પર જીતી રહી હોય તેવું લાગી રહ્યું છે.
ભાજપે 149 બેઠકો પર ચૂંટણી લડી હતી અને તે લગભગ 125 બેઠકો પર જીતી રહી છે.સફળતાની ટકાવારીમાં કોંગ્રેસ પાછળ છે. તેણે 101 બેઠકો પર ચૂંટણી લડી હતી અને તે માત્ર 18 બેઠકો પર આગળ છે.
એનસીપીની વાત કરીએ તો, અજિત પવારના જૂથે 59 બેઠકો પર ચૂંટણી લડી હતી અને 36 બેઠકો પર જીત મેળવી છે.
શરદ પવારની આગેવાની હેઠળની પાર્ટીએ 86 બેઠકો પર ચૂંટણી લડી હતી અને 12 બેઠકો પર આગળ છે.
ઉદ્ધવ જૂથ શિવસેનાએ 95 બેઠકો પર ચૂંટણી લડી હતી અને પાર્ટી 20 બેઠકો પર આગળ છે.
