મહારાષ્ટ્રના સતારામાં બે સમુદાયો વચ્ચે હિંસક અથડામણ બાદ પોલીસે આ વિસ્તારમાં કલમ 144 લાગુ કરી દીધી છે અને ઈન્ટરનેટ સેવા બંધ કરી દીધી છે.
રવિવારે મહારાષ્ટ્રના સતારા જિલ્લાના પુસેસાવલી ગામમાં બે સમુદાયો વચ્ચે મહાપુરુષો વિશે સોશિયલ મીડિયા પર વિવાદાસ્પદ પોસ્ટ બાદ હિંસક અથડામણ થઈ હતી. બે સમુદાયો વચ્ચેની કોમી હિંસામાં એક વ્યક્તિનું મોત થયું હતું. જ્યારે 10 લોકો ઘાયલ થયા હતા. પોલીસે આ કેસમાં અત્યાર સુધીમાં 23 લોકોની ધરપકડ કરી છે. હિંસા બાદ સાવચેતીના પગલારૂપે સમગ્ર જિલ્લામાં ઈન્ટરનેટ બંધ કરી દેવામાં આવ્યું છે. આ વિસ્તારમાં કલમ 144 લાગુ કરવામાં આવી છે. ગામ છાવણીમાં ફેરવાઈ ગયું છે. સ્થાનિક પોલીસની સાથે SRPFની ટુકડી પણ તૈનાત કરવામાં આવી છે. હાલ પોલીસનો દાવો છે કે સ્થિતિ કાબુમાં છે.
હિંસા ક્યારે અને કેવી રીતે ફાટી નીકળી?
વાસ્તવમાં, રવિવારે રાત્રે 9 થી 10 વાગ્યાની વચ્ચે, જ્યારે એક સમુદાયના લોકો તેમના ધાર્મિક સ્થળ પર નમાજ પઢવા પહોંચ્યા હતા… થોડા સમય પછી, અન્ય સમુદાયના લોકો તે જ સ્થળે પહોંચ્યા. સોશિયલ મીડિયા પોસ્ટ પર બંને વચ્ચે બોલાચાલી શરૂ થઈ જાય છે. મામલો પથ્થરમારો અને આગચંપી સુધી વધી ગયો હતો. અનેક વાહનોના કાચ તોડી નાખ્યા હતા અને દુકાનોમાં તોડફોડ કરવામાં આવી હતી. જે બાદ વહીવટીતંત્રે જિલ્લામાં ઈન્ટરનેટ સેવા બંધ કરવાની જાહેરાત કરી હતી. અને પોલીસે લોકોને શાંતિ જાળવવા અપીલ કરી છે.
23 લોકોની ધરપકડ કરવામાં આવી છે.
મહારાષ્ટ્રના સતારામાં હિંસા મામલે અત્યાર સુધીમાં 23 લોકોની ધરપકડ કરવામાં આવી છે. સાવચેતીના ભાગરૂપે જિલ્લામાં ઈન્ટરનેટ સેવા સંપૂર્ણપણે બંધ કરી દેવામાં આવી છે. કોલ્હાપુરના વિશેષ પોલીસ મહાનિરીક્ષક સુનીલ ફુલારીએ અફવાઓ પર વિશ્વાસ ન કરવા, સામાજિક સૌહાર્દ અને શાંતિ જાળવવાની અપીલ કરી છે. સાંસદ ઉદયનરાજેએ પણ પુસેસવલીની મુલાકાત લીધી છે અને શાંતિ જાળવવા અપીલ કરી છે.
