Sharad Pawar MVAના ભવિષ્ય પર સવાલ: શરદ પવાર ભાજપ સિવાય બધાને તૈયાર, સ્થાનિક ગઠબંધનની રાજનીતિ તેજ
Sharad Pawar મહારાષ્ટ્રમાં આગામી નાગરિક ચૂંટણીઓ અગાઉ રાજકીય હલચલ તેજ થઈ ગઈ છે. NCPના બે જૂથોએ પાર્ટીનો સ્થાપના દિવસ અલગ રીતે ઉજવીને ફરી એકવાર પોતાના જુદાપણાને ખુલ્લે કર્યો છે. શરદ પવારના નિવેદન અનુસાર તેઓ ભાજપ સિવાય કોઈપણ પાર્ટી સાથે ગઠબંધન કરવા તૈયાર છે, અને સ્થાનિક સ્તરે આ નિર્ણય લેવામાં સત્તા અપાઈ છે.
સ્થાનિક નેતાઓને ગઠબંધનની છૂટ
શરદ પવારે પત્રકારો સાથેની વાતચીતમાં સ્પષ્ટ કહ્યું કે સ્થાનિક સ્તરે પાર્ટી દ્વારા ગઠબંધન અંગે નિર્ણય લેવામાં આવશે. આથી એ શક્ય છે કે અજિત પવાર જૂથ પણ કેટલાક વિસ્તારોમાં ગઠબંધનનો ભાગ બની શકે. જો આવું થાય તો, MVA (મહા વિકાસ આઘાડી) માટે એકસાથે ચૂંટણી લડવી મુશ્કેલ બની શકે છે.
MVAમાં ફૂટ? ઉદ્ધવ-કોંગ્રેસ-પવાર વચ્ચે અનુમાન અને અણગમણ
હાલ સુધી MVAમાં નાગરિક ચૂંટણીઓ અંગે કોઈ સ્પષ્ટ ચર્ચા થઈ નથી. ઉદ્ધવ ઠાકરે માટે મુંબઈ મ્યુનિસિપલ કોર્પોરેશન સૌથી મહત્વપૂર્ણ છે, અને એવું માનવામાં આવી રહ્યું છે કે તેઓ MNS સાથે જોડાણની શક્યતા શોધી રહ્યા છે. બીજી તરફ, કોંગ્રેસ પણ મુંબઈમાં સોલો ફાઇટ કરવા માટે તૈયારીમાં હોવાનું જાણવા મળે છે.
શું પવાર પરિવાર ફરી જોડાશે?
NCPની તોફાની રાજનીતિ વચ્ચે એક પ્રશ્ન એ છે કે શું શરદ પવાર અને અજિત પવાર ફરીથી એક પ્લેટફોર્મ પર આવશે? હાલ તો બંને જૂથો અલગ રસ્તે ચાલી રહ્યા છે. નોંધનીય છે કે ભાજપ પણ સ્થાનિક ચૂંટણી એકલા લડવાની તૈયારી બતાવી રહી છે.
