Vivo X100 Ultra: X100 Ultraને મોડલ નંબર V2366GA સાથે જોવામાં આવ્યું છે. આ પ્રમાણપત્ર પુષ્ટિ કરે છે કે કંપનીએ ફોનના લોન્ચ માટે તૈયારીઓ શરૂ કરી દીધી છે. આ ફોનમાં સેટેલાઇટ કનેક્ટિવિટી સપોર્ટ આપી શકાય છે.
Vivo પોતાના એક ખાસ સ્માર્ટફોન પર કામ કરી રહ્યું છે. જે Vivo X100 Ultra હોઈ શકે છે. કંપનીએ આ અંગે કોઈ માહિતી આપી નથી. પરંતુ તેના વિશિષ્ટતાઓની વિગતો બહાર આવવા લાગી છે.હવે આ ફોન સર્ટિફિકેશન સાઇટ પર જોવા મળ્યો છે, જે દર્શાવે છે કે ફોનમાં સેટેલાઇટ કનેક્ટિવિટી ફીચર આપવામાં આવશે.
ડિવાઇસ આ અઠવાડિયાની શરૂઆતમાં 3C પ્રમાણપત્ર મેળવ્યું હતું અને હવે તેને ચીનમાં રેડિયો પ્રમાણપત્ર પ્રાપ્ત થતું જોવા મળ્યું છે. X100 Ultra મોડલ નંબર V2366GA સાથે જોવામાં આવ્યું હતું. આ પ્રમાણપત્ર પુષ્ટિ કરે છે કે કંપનીએ ફોનના લોન્ચ માટે તૈયારીઓ શરૂ કરી દીધી છે.
સેટેલાઇટ કનેક્ટિવિટી સપોર્ટ મળશે
રિપોર્ટ અનુસાર, Vivoનો આ પહેલો ફોન હશે જેમાં સેટેલાઇટ કનેક્ટિવિટી સપોર્ટ આપવામાં આવશે. તમને જણાવી દઈએ કે Vivoના આ ડિવાઇસના સેટેલાઇટ વર્ઝને હવે V2366HA મોડલ નંબર સાથે રેડિયો સર્ટિફિકેશન પાસ કર્યું છે. ફોન કોમ્યુનિકેશન માટે ટિઆન્ટોંગ સેટેલાઇટનો ઉપયોગ કરશે. તમને જણાવી દઈએ કે આ બધી અફવા છે, કંપનીએ આ અંગે કંઈ કહ્યું નથી.
Vivo X100 Ultra: Specifications
3C સર્ટિફિકેશન સાઇટ પર જાહેર કરાયેલી માહિતી અનુસાર, ફોન 80 વોટ વાયર્ડ ચાર્જિંગને સપોર્ટ કરશે. તેમાં 5,500 mAhની બેટરી જોઈ શકાય છે.
અલ્ટ્રામાં, Vivo અત્યાર સુધી તેનું અલ્ટીમેટ કેમેરા સેટઅપ ઓફર કરી શકે છે. તેમાં સોનીનું લેટેસ્ટ Lytia LYT-900 સેન્સર મળવાની શક્યતા છે. આ સાથે 100mm (4.3x) 200MP પેરિસ્કોપ ટેલિફોટો લેન્સ પણ આપવામાં આવશે.
પરફોર્મન્સ માટે તેમાં ફ્લેગશિપ ચિપસેટનો ઉપયોગ કરી શકાય છે. જો કે ચિપસેટ MediaTek કે Qualcomm નો હશે, તે હજુ સ્પષ્ટ નથી.
એવું કહેવામાં આવી રહ્યું છે કે X100s અને X100s Pro પણ Vivo X100 Ultra સાથે લૉન્ચ થઈ શકે છે.
