અગરવુડની કિંમત જાણીને દંગ રહી જશો
દુનિયાના અનેક દેશમાં સોનું અને ચાંદી મોંઘા ધાતુઓ માનવામાં આવે છે. પણ શું તમે જાણો છો કે એક એવું લાકડું છે જેની કિંમત સોના-ચાંદીથી પણ વધુ હોઈ શકે? આ લાકડાનું નામ છે અગરવુડ. સામાન્ય લોકો ચંદન અથવા લાલ ચંદન વિશે જાણે છે, પણ અગરવુડ તેની દુર્લભતા અને ખાસ સુગંધના કારણે વિશ્વનું સૌથી મોંઘું લાકડું ગણાય છે.
શું છે અગરવુડ?
અગરવુડ એટલે એક પ્રકારનું સુગંધિત લાકડું, જે ખાસ પ્રકારના વૃક્ષો જેવી કે એક્વિલારિયા નામની જાતિમાંથી મળે છે. આ વૃક્ષ દક્ષિણપૂર્વ એશિયાના જંગલોમાં, હિમાલયની તળેટીથી લઈ પાપુઆ ન્યુગિની સુધી જોવા મળે છે. આ લાકડામાં સુગંધ પણ એવી કે, તેનો ઉપયોગ મહામૂલ્ય અત્તર, ધૂપ અને ઔષધોમાં થાય છે.
દુર્લભ ફંગલ ઇન્ફેક્શન દ્વારા બને છે રેઝિન
અગરવુડની સુગંધ અને કિંમત પાછળનું રહસ્ય એ છે કે તેનું લાકડું એક પ્રકારના ફૂગથી પીડાય પછી જ રેઝિન ઉત્પન્ન કરે છે. આ પ્રક્રિયા કુદરતી છે અને વર્ષો લઈ શકે છે. ફૂગના આ સંક્રમણથી લાકડામાં રેઝિન ભરાય છે અને તે સુગંધિત બને છે.
કિંમત જાણીને તમે આશ્ચર્યમાં આવી જશો
જ્યાં સોનાની એક કિલોની કિંમત લાખોમાં હોય છે, ત્યાં અગરવુડ પણ એની બરાબરી કરે છે. અગરવુડ પ્રતિ કિલોની કિંમત આશરે ૧ લાખ રૂપિયા સુધી પહોંચી જાય છે. તેની દુર્લભતા, ખમિરદાર સુગંધ અને ઔષધીય ગુણધર્મો તેને દુનિયાની સૌથી મોંઘી વસ્તુઓમાં સ્થાન આપે છે.
ઉદ તરીકે જાણીતા પર્ફ્યુમમાં ઉપયોગ
અગરવુડમાંથી બનેલો અત્તર “ઉદ” તરીકે ઓળખાય છે. તે દુનિયાના સૌથી મોંઘા પર્ફ્યુમોમાંથી એક છે. તેની ખુશ્બુ ગાઢ અને અનોખી હોય છે, જે મધ્યપૂર્વ, યુરોપ અને એશિયામાં ઘણી લોકપ્રિય છે.
ધાર્મિક અને ઔષધીય મહત્વ
અગરવુડનો ઉપયોગ દર્શન, પૂજા, તપશ્ચર્યામાં થાય છે. પૂજા દરમિયાન તેનો ધૂપરૂપે ઉપયોગ શાંતિ માટે થાય છે. આયુર્વેદિક દવાઓમાં તેનો ઉપયોગ ઊંઘ ન આવવી, માનસિક તણાવ, અને પાચનતંત્રની સમસ્યાઓમાં થતો રહ્યો છે.
વધતી માંગ અને ગેરકાયદેસર કાપણી
વિશ્વભરમાં અગરવુડની માંગ એટલી વધી ગઈ છે કે ઘણા દેશમાં તેની ગેરકાયદેસર રીતે કાપણી થવા લાગી છે. તેના લીધે એક્વિલારિયા વૃક્ષો હવે વિલુપ્ત થવાની કગાર પર છે. અને એટલે જ, અગરવુડ આજે વધુ મોંઘું અને દુર્લભ બની રહ્યું છે.
જ્યાં આપણે સોના-ચાંદી જેવી ધાતુઓમાં મૂલ્ય શોધીએ છીએ, ત્યાં કુદરતના અણમોલ ખજાનામાંથી અગરવુડ જેવા લાકડાની કિંમત પણ આજે વિશ્વભરમાં સર્વોચ્ચ માનવામાં આવે છે.
