અજય દેવગણની કો-સ્ટાર મૃણાલ ઠાકુરનો જૂનો વીડિયો કેમ વાયરલ થયો? જાણો સમગ્ર મામલો.
અજય દેવગનની ફિલ્મ ‘સન ઓફ સરદાર 2’ ની હિરોઈન મૃણાલ ઠાકુર તાજેતરમાં સોશિયલ મીડિયા પર વિવાદમાં ફસાઈ ગઈ હતી. તેનું કારણ તેનો એક જૂનો વીડિયો હતો, જેમાં તેણે બિપાશા બાસુના શરીર પર રમુજી ટિપ્પણી કરી હતી. આ વીડિયો વાયરલ થતાં જ મૃણાલની ટીકા થવા લાગી અને લોકોએ તેના પર બોડી શેમિંગનો આરોપ લગાવ્યો.
મૃણાલ ઠાકુરનો ખુલાસો
આ વીડિયો ‘કુમકુમ ભાગ્ય’ના સમયનો છે, જ્યારે મૃણાલ તેના કો-સ્ટાર અર્જિત તનેજા સાથે એક ઈન્ટરવ્યુ આપી રહી હતી. વીડિયો વાયરલ થયા બાદ મૃણાલે ઈન્સ્ટાગ્રામ સ્ટોરીમાં માફી માંગી અને કહ્યું કે 19 વર્ષની ઉંમરે તેણે ઘણી મૂર્ખામીભરી વાતો કરી હતી. તેણે લખ્યું કે તેનો ઈરાદો ક્યારેય કોઈનું બોડી-શેમિંગ કરવાનો નહોતો. મજાકમાં કહેલી તેની વાતો ગંભીર સાબિત થઈ, અને હવે તેને પોતાની ભૂલનો અહેસાસ છે.
મૃણાલની માફી
મૃણાલે તેની નોટમાં લખ્યું છે કે, “મને હંમેશા મારા અવાજનું વજન ખબર નહોતું અને હું સમજી નહોતી શકતી કે મજાકમાં પણ શબ્દો કેટલા પીડાદાયક હોઈ શકે છે. આ એક ઇન્ટરવ્યુની મજાક હતી જે ખોટી દિશામાં ગઈ. મને દુઃખ છે કે મેં કોઈને ઠેસ પહોંચાડી છે.”
વીડિયો વાયરલ થવાનું કારણ
વીડિયોમાં મૃણાલ અને અર્જિત એકબીજાને શારીરિક પડકારો આપી રહ્યા હતા. પુશ-અપ્સની ચર્ચા દરમિયાન મૃણાલે મજાકના અંદાજમાં કહ્યું, “કદાચ કોઈને મર્દાના અને મજબૂત છોકરી પસંદ છે, જાઓ બિપાશા સાથે લગ્ન કરો… સાંભળો, હું બિપાશા કરતાં ઘણી સારી છું.” જોકે આ એક મજાક હતી, પરંતુ સોશિયલ મીડિયા પર તેને બોડી-શેમિંગ તરીકે જોવામાં આવ્યું હતું.
View this post on Instagram
બિપાશા બાસુની પ્રતિક્રિયા
બિપાશા બાસુએ કોઈનું નામ લીધા વગર સોશિયલ મીડિયા પર સકારાત્મક સંદેશ શેર કર્યો. તેણે લખ્યું કે “મજબૂત મહિલાઓ એકબીજાને ટેકો આપે છે. મહિલાઓ મજબૂત અને શારીરિક રીતે સ્વસ્થ દેખાવી જોઈએ. માનસિક અને શારીરિક સ્વાસ્થ્ય માટે સ્નાયુઓ અને શક્તિ જરૂરી છે.”
આ ઘટના સોશિયલ મીડિયાની સંવેદનશીલતા અને જૂના નિવેદનો પર આપવામાં આવતા ધ્યાનનું ઉદાહરણ છે.
