Asaduddin Owaisi: ‘પાકિસ્તાનને સો વાર વિચારવું પડશે’: પહેલગામ હુમલા પર અસદુદ્દીન ઓવૈસીની પ્રતિક્રિયા
Asaduddin Owaisi: જમ્મુ-કાશ્મીરના પહેલગામમાં તાજેતરમાં થયેલા આતંકવાદી હુમલાએ દેશભરમાં આક્રોશની લાગણી ફેલાવી છે. શહીદો માટે સમગ્ર દેશ શોકમગ્ન છે અને લોકો આતંકીઓ સામે કડક જવાબની માંગ કરી રહ્યા છે. એવા સમયે AIMIM પાર્ટીના પ્રમુખ અને સાંસદ અસદુદ્દીન ઓવૈસીએ પણ પોતાનો પ્રતિસાદ આપતા જણાવ્યું કે ભારતે હવે એવું પગલું ભરવું જોઈએ કે ભવિષ્યમાં પાકિસ્તાન જેવી રાષ્ટ્રોએ ક્યારેય ભારતમાં આતંક ફેલાવવાનો વિચાર કરતાં પહેલા સો વાર વિચારવું પડે.
ઓવૈસીએ ચંપારણમાં આપી કડક ટિપ્પણી
બિહારના પૂર્વ ચંપારણ જિલ્લાના ઢાકા વિસ્તારમાં એક જાહેર સભાને સંબોધિત કરતા ઓવૈસીએ પાકિસ્તાનના વિરુદ્ધ સ્પષ્ટ શબ્દોમાં ચેતવણી આપી. તેમણે કહ્યું, “આ દેશના વડાપ્રધાનને કડક પગલાં ભરવા પડશે. દેશના શહીદો અને તેમના પરિવારોને ન્યાય મળવો જોઈએ. આપણે આતંકવાદના મૂળ પર ઘા કરવો પડશે, નહીં કે માત્ર જવાબ આપવો.”
તેમણે ઉમેર્યું કે એવું કોઈ પગલું ભરવું જોઈએ કે પાકિસ્તાન અને તેના જેવી નિષ્ફળ આવા પગલાં લેતા પહેલાં અનેકવાર વિચાર કરે.
લેફ્ટનન્ટ વિનય નરવાલના પરિવાર માટે સહાનુભૂતિ
ઓવૈસીએ પોતાની ભાષણ દરમિયાન લેફ્ટનન્ટ વિનય નરવાલની પત્ની હિમાંશીનો ઉલ્લેખ પણ કર્યો. તેમણે જણાવ્યું કે, “વિનય નરવાલ જેવાં સૈનિકો દેશ માટે જીવ આપે છે, ત્યારે આપણે રાજકીય વિવાદ ન ઊભો કરવો જોઈએ. હિમાંશી, જેણે લગ્નના માત્ર છ દિવસમાં પોતાનો પતિ ગુમાવ્યો,,,, છતાં પણ તેને કોઈ પણ ધર્મ કે જાતિ સામે ઘૃણા નથી. તે ભારત માટે સંદેશ આપે છે કે દેશપ્રેમ હંમેશા ટોચે હોવો જોઈએ.”
ઓવૈસીએ કહ્યું કે હિમાંશી જેવા લોકોને દેશમાટે અસલ નાયકો માનવા જોઈએ, જેમના શબ્દોમાં દુખ હોવા છતાં નફરત નથી.
નફરતના બદલે શાંતિ અને એકતા તરફ આહ્વાન
ઓવૈસીએ સમાજમાં નફરત ફેલાવતા તત્ત્વોને આડે હાથ લેતા કહ્યું, “જે લોકો હિન્દુ-મુસ્લિમમાં ફૂટ પાડે છે, તેઓ આતંકીઓથી ઓછા નથી. આવા લોકો પાકિસ્તાનના ચહેરા પર ખુશી લાવે છે. આપણી જવાબદારી છે કે આપણે એવું કોઈ કામ ન કરીએ કે શત્રુ ખુશ થાય. દેશની એકતા અને શાંતિ જ સૌથી મોટી શક્તિ છે.”
તેમણે સરકારને યાદ અપાવ્યું કે યુદ્ધની વાતો કરતાં વધુ જરૂરી છે આતંકને જડમૂળથી સમાપ્ત કરવાનો અભિગમ.
અસદુદ્દીન ઓવૈસીએ પહેલગામ હુમલાને ‘કાયરતાપૂર્ણ’ કરી જાહેરમાં પાકિસ્તાનને ખુલ્લી ચેતવણી આપી છે. સાથે સાથે તેમણે દેશભરમાં શાંતિ, સહિષ્ણુતા અને એકતાની ભાવના જાળવવા માટે પણ સમાજને સંદેશ આપ્યો છે. આતંકનો અંત માત્ર ગોળીથી નહિ પણ જાતિ-ધર્મથી ઉપર ઉઠીને એકતા દ્વારા પણ થઈ શકે છે — એમ તેમનું માનવું છે.
