Fortuner ના વળતા પાણી? 20 એપ્રિલે લોન્ચ થશે MG ની નવી 7-સીટર લક્ઝરી SUV, જાણો કિંમત અને ફીચર્સ
ભારતીય ઓટોમોબાઈલ માર્કેટમાં પ્રીમિયમ SUV સેગમેન્ટમાં હવે જોરદાર ટક્કર થવા જઈ રહી છે. JSW MG મોટર ઇન્ડિયાએ સત્તાવાર જાહેરાત કરી છે કે તેમની નવી ફ્લેગશિપ SUV ‘MG Majestor’ આગામી 20 એપ્રિલ 2026 ના રોજ લોન્ચ થશે. આ એક પાવરફુલ બોડી-ઓન-ફ્રેમ ચેસિસ પર બનેલી SUV છે, જે સીધી રીતે ટોયોટા ફોર્ચ્યુનર (Fortuner) અને સ્કોડા કોડિયેક (Kodiaq) જેવી ગાડીઓને હંફાવશે.
કિંમત અને વેરિએન્ટ્સ
MG મેજેસ્ટરના ભાવની સત્તાવાર જાહેરાત 20 એપ્રિલે થશે, પરંતુ નિષ્ણાતોના મતે તેની એક્સ-શોરૂમ કિંમત 40 લાખથી 45 લાખ રૂપિયા વચ્ચે હોઈ શકે છે. આ SUV મુખ્યત્વે ચાર વેરિએન્ટમાં જોવા મળશે:
- Sharp 4X2 (7-સીટર)
- Savvy 4X2 (7-સીટર)
- Savvy 4X2 (6-સીટર)
- Savvy 4X4 (7-સીટર) ગ્રાહકો પોતાની જરૂરિયાત મુજબ 6 અથવા 7 સીટરનો વિકલ્પ પસંદ કરી શકશે.
બુકિંગ અને ડિલિવરી
જો તમે આ કાર ખરીદવા માંગતા હોવ, તો 41,000 રૂપિયાની ટોકન રકમ આપીને તેનું પ્રી-બુકિંગ કરાવી શકો છો. કંપની દ્વારા તેની ડિલિવરી મે 2026 થી શરૂ કરવામાં આવે તેવી શક્યતા છે. ખાસ વાત એ છે કે, જે ગ્રાહકો પહેલા બુકિંગ કરાવશે તેવા પ્રથમ 3,000 ખરીદદારો માટે કંપનીએ ખાસ ઓફર રાખી છે. તેમને 5 વર્ષની અનલિમિટેડ કિલોમીટર વોરંટી, 5 વર્ષનો લેબર ફ્રી સર્વિસ કોન્ટ્રાક્ટ અને 5 વર્ષ માટે રોડ સાઇડ આસિસ્ટન્સ (RSA) ફ્રીમાં મળશે.
દમદાર એન્જિન અને પ્રીમિયમ ફીચર્સ
મેજેસ્ટર માત્ર લુકમાં જ નહીં પણ પાવરમાં પણ જોરદાર છે. તેમાં 2.0L ટ્વિન-ટર્બો ડીઝલ એન્જિન આપવામાં આવ્યું છે, જે 4WD (ફોર વ્હીલ ડ્રાઈવ) અને ઓફ-રોડિંગ ફીચર્સ સાથે આવે છે. આ સિવાય ફીચર્સની વાત કરીએ તો તેમાં:
- પેનોરેમિક સનરૂફ
- ADAS (એડવાન્સ્ડ ડ્રાઈવર આસિસ્ટન્સ સિસ્ટમ)
- 360-ડિગ્રી કેમેરા
- લક્ઝરી ઇન્ટિરિયર અને કનેક્ટેડ કાર ટેકનોલોજી જોવા મળશે.
