વડાપ્રધાન નરેન્દ્ર મોદી ગુરુવારે પ્રથમ ભારત-મધ્ય એશિયા સમિટનું આયોજન કરશે. વર્ચ્યુઅલ માધ્યમ દ્વારા આયોજિત આ સમિટ દરમિયાન, તેમાં ભાગ લેનારા નેતાઓ પ્રાદેશિક સુરક્ષા પરિસ્થિતિ સાથેના સંબંધોને નવી ઊંચાઈએ લઈ જવાના પગલાઓ પર ચર્ચા કરશે અને તેના પર તેમના વિચારો શેર કરશે. વર્ચ્યુઅલ માધ્યમ દ્વારા આયોજિત આ સમિટ દરમિયાન, તેમાં ભાગ લેનારા નેતાઓ પ્રાદેશિક સુરક્ષા પરિસ્થિતિ સાથેના સંબંધોને નવી ઊંચાઈએ લઈ જવાના પગલાઓ પર ચર્ચા કરશે અને તેના પર તેમના વિચારો જણાવશે .
આ સમિટમાં પાંચ દેશોના રાષ્ટ્રપતિઓ ભાગ લેશે. આમાં કઝાકિસ્તાનના રાષ્ટ્રપતિ કાસિમ જોમાર્ટ તોતાએવ, ઉઝબેકિસ્તાનના રાષ્ટ્રપતિ શૌકત મિર્ઝિયોયેવ, તાજિકિસ્તાનના રાષ્ટ્રપતિ ઈમોમાલી રહેમાન, તુર્કમેનિસ્તાનના રાષ્ટ્રપતિ ગુરબાંગુલી બર્ડીમોહમદ અને કિર્ગીઝ રિપબ્લિકના રાષ્ટ્રપતિ સાદિર ઝાપારોવનો સમાવેશ થાય છે.આ સમિટને લઈને વિદેશ મંત્રાલયે કહ્યું કે ભારત અને મધ્ય એશિયાઈ દેશો વચ્ચે નેતાઓના સ્તર પર આ પ્રકારની પ્રથમ બેઠક હશે.મંત્રાલયે કહ્યું કે આ સમિટ ભારત અને મધ્ય એશિયાના દેશોના નેતાઓની તરફથી વ્યાપક અને ટકાઉ ભારત-મધ્ય એશિયા ભાગીદારીના મહત્વને દર્શાવે છે.
આ કોન્ફરન્સ ભારતના 73માં ગણતંત્ર દિવસના એક દિવસ પછી આયોજિત કરવામાં આવી રહી છે. જેમાં આ વખતે મુખ્ય અતિથિ તરીકે કોઈ વિદેશી રાજ્યના વડાને આમંત્રણ આપવામાં આવ્યું નથી. પાંચ મધ્ય એશિયાઈ દેશોના નેતાઓને મુખ્ય અતિથિ તરીકે આમંત્રિત કરવાની યોજના હતી પરંતુ કોરોના રોગચાળાને કારણે આ થઈ શક્યું નહીં.
